logo
Lakroan'i Madagasikara
Fahasalamam-bahoaka

Pesita misy, mpizesita mahay

Ratalata Jn Bà il y a 2 années

Iarahantsika mahalala ny fomba fiteny manao hoe : “Valala misy, mpilaza mahay”. Izany fiteny izany no mby antsaina ankehitriny manoloana ny fitrangan’ny pesita. Fa akory hoy ianao ?

Pesita misy, mpizesita mahay

Ny 28 aogositra no nitranga ny pesita. Vao iray volana mahery kely anie izany raha zohina. Vao nandre ny fisian’io tranga io ny teo anivon’ny minisitera mpiandraikitra ny fahasalamam-bahoaka dia nilaza ny tao fa “Lasa aloha ny saison pesteuse”. 

 

Nandratra sofina

Nanaitra ny nandre izany filazana izany. Misy tokoa izany ny vanim-potoana tahaka ny fisian’ny vanim-potoana ho an’ny rivo-doza na période cyclonique. Ity farany dia fantatry ny mpiandraikitra, fantatry ny mpanao politika fa tsy azo ikarakarana fifidianana. Fantatra io vanim-potoan’ny rivo-doza io ary dia natsangana ny Bngrc na Bureau national de gestion des risques et catastrophes. Samy mahalala io rafitra io ny tsirairay. Raha vao misy loza dia efa any ny maso. Milamina ny saina. Noho izay tokoa no nanaitra ny filazan’ny tekinisianina eo anivon’ny Minisiteran’ny Fahasalamana fa lasa aloha ny « saison pesteuse ». Izany hoe ry zareo ao izany mahalala ny fisian’io vanim-potoan’ny firongatan’ny aretina pesita io. Dia gaga ny tena. Fantatr’izy ireo izany koa nahoana no tsy niomana ry zareo ?

Ny fomba fiteny faharoa nandratra sofina dia ilay filazana hoe “efatra fotsiny no maty…”. Ekena e. Efa zatra mahita ry zareo mpiasan’ny Minisiteran’ny Fahasalamana fa mahatratra am-polony maro matetika ny matin’ny pesita ka raha efatra izany mbola lavitra ny maridrefy fanairana. Tsiahivina tokoa ohatra fa tamin’ny taona 2014 dia 70 mahery ireo matin’ny pesita teto Madagasikara.

 

Pesita mampidorororo

Mitory ny toe-tsain’ireo tekinisianina tokoa ny voambolana nampiasain’izy ireo. Tsy ain’olona no manoloana azy ireo fa tarehimarika tsotra. Tsy ireo tekinisianina ihany anefa no toa izany fa na ireo mpitondra fanjakana mihitsy aza. Ndeha izay nitranga faramparany no hitarafantsika fa mampidorororo olobe ity pesita ity. Raha ny 28 aogositra no nitranga voalohany ny olona matin’ny pesita dia ny sabotsy 30 sepitambra vao nisy izany cellule de veille najoro izany. Io no voambolana nampiasain-dry zareo ary “rafitra manara-maso mba hifehezana faran’izay haingana ny valanaretina pesita no asany.”

Tena midororororo tokoa raha ny fitondrana satria iray volana aty aoriana vao nisy rafitra najoro. Tsy misy fivoriana mikasika ny ady hatao raha tsy eo ireo vahiny. Eny izy ireo tokoa no mamatsy vola an… 

Midorororo tokoa ireo mpitondra. Toa tsy tazana rehefa misy fivoriana ireo heverina fa hirotsaka eny antanim-piadiana. Ohatra ny Bngrc… Ohatra ny minisitry ny miaramila na zandary na polisy… Ohatra ny mpitandro ny filaminana, Emmoreg no mahazatra antsika raha ny Emmo/nat. Tsy vonona hiady ny fanjakana. Efa « cellule de combat » no tokony napetraka io sabotsy io. Jereo fa sabotsy no najoro io « cellule de veille » io ary ny alatsinainy antoandro vao nanangana ny « cellule » ho azy ny Faritra Analamanga izay akaiky vilany fa tsy io sabotsy io na ny alahady fara-fahatarany. Midorororo hoy aho.

 

Inona ary no tokony ho natao ?

Raha manoratra ny tokony hatao eto akory tsy midika fa te ho minisitra ny tena. Mitatasiaka no manavanana. Mpitatasiaka maniry ho ren’ny mpitondra kosa na izany aza.

Ny toe-tsaina itafiana voalohany indrindra dia fanalavirana ny resaka politika. Raha ny ao Analamanga no itarafana azy dia ny lehiben’ny Faritra  no tazana lohalaharana raha an’ny préfet ny asa filaminana sy fiarovana. Sa lasa resaka politika ny ady amin’ny pesita ? Nasiana rafitra ny ao Analamanga fa tsy ao anatiny ny Kaominin’Antananarivo renivohitra nefa dia izy no isan’ny be maty.

 

Mahafantatra ianareo tekinisianina eo anivon’ny Ministeran’ny Fahasalamam-bahoaka fa misy ny saison pesteuse. Ok. Efa mialohan’ny fanombohan’ny saison pesteuse no tokony nanomboka ny asa ianareo. Fanentanana mikasika ny fahadiovana. Fampahatsiahivana fa hisokatra ny saison pesteuse tahaka ny vanim-potoan’ny rivo-doza ary dia apetraka ny karazana saina (ohatra : faritra mena ho an’ny kartie maloto, faritra mavo na loko hafa, faritra fotsy ho an’ny madio…).

Efa tokony io sabotsy io dia novoriana ireo mpiandraikitra fiangonana lehibe sy be olona ary dia noresena lahatra hamaky fanentanana mikasika ny fahadiovana sy fanadiovana tanana avy amin’ny fanjakana alohan’ny toriteny.

Nandritra ny fampitana mivantana ny lalao basikety dia efa tokony ho nasiana fanentanana. Saingy tsy izay no hita sy re fa mpanao gazety mitantara baolina tahaka ny mahazatra na dia nisy maty aza ny iray amin’ireo mpikatroka, toa tsy nasiana vidiny ny aina nafoy.

Efa tokony najoro ho vavolombelona ireo narary nahazo fitsaboana ka sitrana… Mora mino kokoa ny olona raha mahita izany. Maro anie ny tahaka an’i Md Tomà e. Tsy ilaina miaka-tsehatra ny endrika Hvm ary dia tena tokony halavirina mihitsy ny mamofompofona politika.

Isan’ny tena hadinon’ireo tekinisianina miasa any ambony latabatra sy mijery tahiriela na archives dia tsy mbola nisy tambazotra tahaka ny facebook tany aloha tany ka nanaparitaka vaovao araka ny itiavan’ny olona azy, tsaho sa resabe sa inona… no iantsoana azy, dia zava-misy iainana izany ary ady atrehina. Manameloka mpanao facebook no atao sy andaniana andro, ny voalavo miriaria, ny parasy mi-saute saute.

Koa, raha izaho no minisitra dia santionany ireo…

Ho nampiasaiko ny tambazotra Facebook sy ny hafa. Tsy ho navelako nanjakan’ny ahiahy ny vahoaka fa niaina ny mangarahara. Mihaino ahy ve ianareo mpitondra ? Raha tsy hihaino ahy ianareo dia mba jereo koa ny hafatr’ireo poety ao amin’ity rohy ity : http://www.lakroa.mg/item-1178_articles_culture_18-pesita-sy-zesita.html. Eny, alaviro ny zesita dia ho faty ny pesita.

 

 

Fanampiny

Io ambony no tafavoaka tao amin’ny gazety Lakroan’i Madagasikara, taratasy, Alahady 8 okitobra 2017 ary laharana 4045, noho ny resaka toerana. Indro ny fanampiny  ho antsika mamaky eto amin’ny interinety.

 

 

 

Pesita mampivaralila

Nambarantsika teo fa mampidorororo ny pesita. Nasehontsika ny santionany. Fa mampivaralila ihany koa ity pesita ity. Ndao anie araho ireto santionany ireto e.

Ny alatsinainy maraina dia nitety radio i Paul Rabary, Minisitry ny fanabeazam-pirenena. Nambarany fa hatomboka ny fanakatonana ny sekoly ary mihodina izany fanakatonana izany. Izany hoe hisy fanadiovana ny sekoly ka ireo namendrahana fanafody dia hikatona mandritra ny telo andro. Ok. Mazava voaray ny baiko. Ny hariva dia indro ny vaovao hafa milatsaka fa hakatona daholo ny sekoly rehetra amin’ny Cisco enina (Antananarivo renivohitra, Atsimondrano, Avaradrano, Ambohidratrimo, Toamasina I sy Toamasina II). Fanina ihany ny mpanara-baovao manoloana izany.

Mampivaralila ny fihetsik’ireo mpitondra. Jereo anie ny sary atolotra antsika eto e. Nijery ny teny amin’ny hopitalibe ao Toamasina ny minisitry ny fahasalamana. Niaro tena hatrany antampon-doha ka hatreny am-paladia izy sy ireo niara-dia taminy. Fa ahoana e ? Ary mba ahoana izany ireo miasa ao amin’ny hopitaly isan’andro ? Mba mahazo ireny fiarovana ireny va re ry zareo sa… ? Mpizesita ho’aho.

Jereo ny fanaovana fitantana mizana tsindriana ila. Misy ireo hetsika famoriam-bahoaka asaina hatsahatra fa ny hafa odian-tsy hita. Ohatra tanterahana ny hetsika salon de l’auto sa ve saranga ambony no mandeha mamonjy any ka tsy atahorana handrehoka na hikohoka ireo mpitsidika any ? Indrisy… Maty aho Madajazzcar… toa mba saranga mitovy ihany ny mamonjy ireny sy ny salon de l’auto an !

Farany, nahoana no rarahana fanafody ny sekoly kanefa ny manodidina tsy kitihana moa ve tsy mitsoa-ponenana vetivety ny parasy dia miverina indray ?

 

Santionany ireo re… Antsika ny fahoriana tongo-bakivaky ndao hifanome hery (tsy filoham-pirenena akory) hifanome zotom-po sy fandrisihana. Courage jiaby.

 

 


 


Partager l'article:

Lakroa en direct
  • 23 Jul. 2019 - 14:50-

    Fanomezan-drà. Nanome rà maimaimpoana teny amin’ny HJRA Ampefiloha ireo polisy vaovao miisa 1098 tao amin’ny andiany “FENITRA”. Nitarika azy ireo ny minisitry ny filaminam-bahoaka, RAFANOMEZANTSOA Roger ary nanambara fa : “fanampiana sy ho vonjy aina ho an’ireo mpiray tanindrazana no nanaovana izao adidy izao satria izay manome rà dia mamonjy aina”.

  • 23 Jul. 2019 - 10:45-

    Eglise Catholique en Allemagne. D’après les dernières statistiques, 200 000 catholiques allemands ont quitté l’Église en 2018, contre 167 500 en 2017. Avec plus de 23 millions de membres, l’Église Catholique en Allemagne rassemble toujours 27 % de la population du pays soit plus d’un quart des allemands.

  • 22 Jul. 2019 - 14:37-

    Situation comique en foot au JIOI 2019. Pour la deuxième place du groupe A de ces JIOI 2019, dans le tournoi de football, un tirage au sort entre Madagascar et les Seychelles sera effectué, ce lundi soir, à 20h. Cela, pour savoir qui accédera à la demi-finale contre la Réunion et se jouera mercredi 24 juillet à 14h30. Ayant terminé avec un seul point à leur compteur tous les deux, les formations malgaches et seychelloises seront départagées par tirage au sort. Maurice est assurée de passer avec le nombre de but marqué (2).

  • 20 Jul. 2019 - 10:19-

    Ntsay Christian remplace Christian Ntsay. “Conformément aux dispositions de l’article 54 de la Constitution, est nommé Premier Ministre, Chef du Gouvernement : Monsieur NTSAY Christian” tel est le premier article du décret N°2019-1407, portant nomination du Premier Ministre, publié par la présidence de la République ce 19 juillet 2019. Le choix du premier ministre a été effectué sur la base des noms présentés par les députés majoritaires de l’IRD. Selon la "rumeur" Les trois noms présentés sont : Fienena Richarn Haja Resampa et Ntsay Christian. Il est donc reconduit (pour la deuxième fois) par le président Andry Rajoelina.

  • 19 Jul. 2019 - 08:45-

    JIOI 2019. Dans le cadre des Jeux des Îles, les Barea affrontent en premier les Seychelles. Le match se déroulera au stade Auguste Vollaire le 20 juillet à 14h15. Madagascar n’a pas perdu, lors des deux dernières rencontres entre les deux sélections, avec une victoire (0-1) le 11 juin 2016 et un match nul (1-1) le 29 mai 2018.

  • 18 Jul. 2019 - 14:15-

    USA. Le cardinal DiNardo interpelle Donald Trump sur les droits des migrants. «Il est contraire aux valeurs américaines et chrétiennes de chercher à empêcher aux personnes d’émigrer ici quand elles fuient pour sauver leurs vies et pour trouver une sécurité pour leurs familles», déclare le cardinal DiNardo.

  • 18 Jul. 2019 - 11:27-

    Birao maharitra AN. Vita ny fifidianana ny mpikambana ireo mandrafitra ny Birao maharitry ny Antenimieram-pirenena. Toy izao izany : Filohan’ny Antenimierampirenena : Razanamahasoa Christine Harijaona, Ambatofinandrahana (IRD). Filoha Lefitra Antananarivo : Rasolonjatovo Honoré, Faratsiho (IRD). Filoha Lefitra Antsiranana : Rahelihanta Jocelyne, Antsiranana I (IRD). Filoha Lefitra Fianarantsoa : Razafitsiandraofa Jean Brunelle, Ikongo (IRD). Filoha Lefitra Mahajanga : Rahantanirina Lalao, Mahajanga I (IRD). Filoha Lefitra Toamasina : Michelle Bavy Angelica, Fenérive Est (IRD). Filoha Lefitra Toliara : Rabenirina Jean Jacques, Betioky Atsimo (IRD).
    Questeur 1 : Henri Jean Michel, Ambovombe (IRD). Questeur 2 : Rakotomanga Lantoarivola Sedera, Antananarivo II (IRD). Questeur 3 : Rabenirina Maminiaina Solondraibe, Ambohidratrimo (TIM).
    Mpampakateny : Angèle Solange, Amboasary Atsimo (Mahaleotena). Mpampakateny lefitra : Rafenomanantsoa Tsirimaharo Ny Aina, Antananarivo III (IRD).

  • 17 Jul. 2019 - 09:30-

    Mercato-Jeremy Morel. En fin de contrat avec l'OL, l’international malgache Jeremy Morel signe pour un an de contrat avec le Stade Rennais. « Je suis très enthousiaste et fier de rejoindre le Stade Rennais F.C. Je vais faire du mieux possible pour apporter mon expérience au club. J’avais plusieurs sollicitations mais sportivement je me voyais plus ici. J’espère avoir fait le bon choix. À moi de tout faire sur le terrain pour remercier le Président de sa confiance », a-t-il déclaré.  

  • 16 Jul. 2019 - 09:30-

    Désensablement. La piscine naturelle du Parc National Isalo est de nouveau ouverte à la baignade depuis le vendredi 12 juillet dernier. « La profondeur et la propreté de l’eau ont été testées par les agents de Madagascar National Parks afin de s’assurer que toutes les conditions requises pour la baignade durant la haute saison touristique 2019 soient au mieux », déclare Madagascar National Parks sur Facebook.

  • 15 Jul. 2019 - 14:30-

    Jeux des îles. A l’île Maurice, les sportifs venant des sept îles de l'océan Indien s'affronteront sur quatorze disciplines : athlétisme, badminton, le basketball, boxe, cyclisme, football, haltérophilie, judo, natation, tennis de table, voile, beach volley et volleyball. Pour cette édition, l’ouverture officielle se fera le 19 juillet et prendra fin le 28 juillet.

  • 15 Jul. 2019 - 13:00-

    FMF. Lova Ramisamanana ne pourra se présenter à la course pour être à la tête de la fédération malgache de football. Il l’évoque sur sa page Facebook ainsi, « j’ai le regret de vous annoncer que je ne pourrai pas me présenter à la présidence de la fédération malagasy de football, faute de n’avoir pu réunir les 3 cautions requises. Nous nous sommes battus jusqu’au bout mais nous n’avons pu faire face à certains obstacles. »

  • 15 Jul. 2019 - 08:30-

    CAN 2019. Suite à leur victoire respective contre la Tunisie et le Nigéria, le Sénégal et l’Algérie disputeront la finale de cette édition de la Coupe d’Afrique des Nations. Pour rappel, les Fennecs ont battu ces Lions de la teranga lors de la phase de poule sur le score de 1-0 avec le but de Youcef Belaili.

  • 11 Jul. 2019 - 06:30-

    Fandaminana. Handamina ny polisim-pirenena ho an’ny alakamisy alina araka ny resadresaka tamin’ny mpanao gazety nataon’ireo tompon’andraikitra ao amin’ny Polisim-pirenena. Nanome ireo toromarika manodidina ny filaminana mandritra ny fijerena baolina kitra amin’izao Can izao izy ireo. Maro ny polisy hiasa amin’io alin’ny alakamisy io raha ny nambaran’ireto tompon’andraikitra ao amin’ny polisim-pirenena ireto.

  • 09 Jul. 2019 - 13:30-

    Supporter les Barea. L’inscription est ouverte pour aller supporter les Barea en Egypte pour leur quart de finale contre la Tunisie. Les billets sont disponibles auprès de l’Air Madagascar à Analakely. Adressez-vous à la même agence pour plus d’infos.

  • 06 Jul. 2019 - 13:00-

    Pape François – Poutine. Le président russe Vladimir Poutine a rencontré le pape François au Vatican le 4 juillet pour une discussion privée de 55 minutes. Le pape François et Poutine ont discuté de questions d'actualité en Syrie, en Ukraine et au Venezuela, ainsi que de questions environnementales et de questions concernant l'Eglise catholique en Russie, selon le bureau de presse du Saint-Siège.

  • 05 Jul. 2019 - 11:00-

    CAN 2019. La CAF a rejeté les plaintes contre la RDC pour match truqué. Suite à l’insuffisance de preuve réelle, les accusations de corruption de la fédération zimbabwéenne de football vis-à-vis de leur gardien de but ont été rejeté. De ce fait, le match entre Madagascar et la RDC dans le cadre des huitièmes de finale aura bel et bien lieu dimanche prochain.

  • 05 Jul. 2019 - 08:30-

    Wi-fi gratuit. Le mercredi 10 juillet prochain, le wi-fi gratuit sera disponible à Antananarivo. Il sera possible de se connecter librement, sur quatre zones incontournables de la capitale comme au jardin Antaninarenina, à l’arrêt bus Ambohijatovo, au jardin Antanimena et au pont de Behoririka.

  • 04 Jul. 2019 - 10:30-

    Nicolas Dupuis. Selon Jeune Afrique, Nicolas Dupuis est 31ème dans le classement des entraîneurs les mieux payés en Afrique. Il perçoit 7000€ par mois, selon les chiffres publiés par le média. Le sélectionneur de l’Egypte, Javier Aguirre, est le coach le mieux rémunéré sur le continent avec un salaire mensuel de 108 000 euros.

  • 03 Jul. 2019 - 15:15-

    CAN 2019. Anicet Andrianantenaina et Carolus Andriamanitsinoro intègrent l’équipe type de la phase de poule de cette Coupe d’Afrique des Nations. Pour rappel, Anicet était l’homme du match pendant la rencontre face à la Guinée. Carolus l’était à son tour pendant le match contre le Nigéria.

  • 03 Jul. 2019 - 14:30-

    FIER-Mada. Tanterahana ny alarobia 7 hatramin’ny 11 aogositra ho avy izao ny FIER-Mada faha 21, ao amin’ny kianja Makis Andohatapenaka. Amin’izany dia hisy ny lao-bary an-dasy hiompana amin’ny « fandrosoana maharitra : tetik’asam-panjakana vatsiana vola amin’ny voajanahary sy ifampierana amin’ny tantsaha eny ifotony ».

Du même auteur

economie
societe

Dans la même rubrique

sport
sport
Publicité