logo
Lakroan'i Madagasikara
Fanolorana boky vaovao

Momba ny fampianaran’ny Eglizy mahakasika ny fiarahamonina

Rasoanjanahary il y a 5 années

Natolotra tao Antanimena Antananarivo tamin’ny sabotsy 22 febiroary 2014 ny boky mitondra ny lohateny hoe “Fampianaran’ny Eglizy katôlika momba ny fiaraha-monina sy ny sôsialy”, lahatsoratra navoaka tao amin'ny Lakroa 2 marsa 2014, p. 8

Momba ny fampianaran’ny Eglizy mahakasika ny fiarahamonina
Natolotra tao Antanimena Antananarivo tamin’ny sabotsy 22 febiroary 2014 ny boky mitondra ny lohateny hoe “Fampianaran’ny Eglizy katôlika momba ny fiaraha-monina sy ny sôsialy”, tao anatina famelabelaran-kevitra nataon’ireo raiamandreny am-panahy notsongaina tato amin’ny Fiangonana.

 

Fitaovana manampy amin’ny famakiana ny hevitry zava-misy

“Fitaovana ilaina ho an’ny soa iombonana ity tahirin-kevitra mirakitra ny Fampianaran’ny Eglizy katolika momba ny fiarahamonina sy ny sosialy ity”, hoy ny solontenan’ny Papa, i Mgr Eugène Martin Nugent. Izy no nasaina nanolotra voalohany ny boky. “Tahirin-kevitra voafintina kanefa feno”, hoy izy. Mirakitra ny foto-kevi-dehibe enti-mandinika sy mitsara ka hahafahana mahita ny lalan-kaleha eo amin’ny fampandrosoana ny maha olona manontolo. Fitaovana itoriana ny Evanjely. Mifototra amin’ny lalàna voajanahary sy ny didim-pitiavan’i Jesoa. Manampy ny olombelona tsirairay hahita an’Andriamanitra. Notanisainy ny foto-kevi-dehibe voarakitra amin’ity tahirin-kevitra. Anisan’ireny ny fanajana ny hasin’ny maha olona sy ny zon’olombelona, ny firaisankina, ny soa iombonana, ny fandraisana anjara amin’ny raharaham-bahoaka. Tsy mihambo ho mitondra vahaolana tekinika amin’ny olam-piaraha-monina ity raki-kevitra ity. Fa manampy kosa ireo olona tsara sitrapo amin’ny famakiana ny dikan’ny zava-misy. “Tsy resaka lalana fahatelo eo anelanelan’ny kapitalisma sy ny sosialisma anefa izy ity, hoy ny solontenan’ny Papa, fa fandinihana ny zava-misy amin’ny fanilovan’ny Fanahy Masina, araka ny Evanjely”. “Ny tanjona, hoy izy, dia ny fanoroana lalana ny kristianina mba hananany fitondran-tena mifandraika amin’ny fampianaran’ny Evanjely, izay i Kristy no ivony”. Hanorenana fiarahamonina anjakan’ny rariny sy ivelaran’ny maha olona amin’ny lafiny rehetra fa tsy hoe fahazoana ihany ny fitaovana materialy na ny fisongan’ny harin-karena.


Zava-dehibe ny anjara toeran’ny fianakaviana

“Tsy fampianarana no ataoko, hoy kosa i Mgr Benjamin Ramaroson, fa fanolorana ny foto-kevi-dehibe amin’ny toko faha 5 mikasika indrindra ny fianakaviana sy ny fanabeazana”. Izy moa no filohan’ny vaomiera episkopaly momba ny fanabeazana. Nomarihany fa mifanandrify amin’ny fandinihan’ny any Roma mikasika ny fianakaviana ny namoahana ity raki-kevitra ity sady taonan’ny fianakaviana rahateo ity taona ity. Zavatra telo àry no nisarihany ny saina.

Voalohany ny zava-misy mikasika ny fianakaviana izay mandalo fotoan-tsarotra. “Voazimbazimba ny fianakaviana izay fototry ny ankohonan’olombelona”, hoy izy.

Faharoa, notsiahivin’i Mgr Benjamin fa reny sady mpanabe ny Fiangonana, izany hoe mikolokolo sy milaza ny marina mba haha olona afaka antsika. Nambarany fa tsy vahaolana vita fonosana no voarakitry ny boky. “Tsy toa ny fanaovana trano ‘pré-fabriqué’ izy ity, hoy izy, satria olombelona no voakasika”. Fa torolalana kosa natao hanampy antsika hiroso amin’ny lalana marina. Ny maha olona no jerena ary miainga amin’ny fanabeazana ao anivon’ny fianakaviana izany.

Fahatelo, fanamby miandry ny tokony hahaizana mampiasa ny boky amin’ny maha fitaovana azy izay tokony hipaka any amin’ny rehetra.

 

Firotsahan’ny lahika sy demokirasia

“Ny batemy noraisina no miantso ny lahika hirotsaka amin’ny politika, hoy i mompera Germain Rajoelison, vikera jeneralin’Ambatondrazaka sy aomonien’ny “Justice et paix”. Notanisainy ny teboka mifandraika amin’ny firotsahan’ny lahika ao amin’ny raki-kevitra. Notsiahiviny fa lalivay sy fanasin’ny tany ny lahika ary asa fanompoana ny firotsahana eo amin’ny fiarahamonina, fanompoana ny hafa. Iainana ny asa fitiava-namana (jereo n°545). Ampiharana ny fitsipika momba ny soatoavina moraly (jereo n°568). Momba ny fiaraha-monina demokratika sy ny fitondram-bahoaka, mazava ny torolalana ao amin’ny tahirin-kavitra, ary mandray anjara amin’izany ny Fiangonana (jereo n°412). Notsindriany mafy ny resaka fahamailoana sy fandanjalanjana eo amin’ny fakana fanapahan-kevitra sy izay hatao (jereo n°573). Manampy amin’ny fijoroana ho vavolombelona ny raki-kevitra ho an’ireo katolika mirotsaka any anivon’ny rafi-panjakana, toy ny Antenimieram-pirenena. “Manaiky ny rafitra demokiratika ny Fiangonana, hoy i mompera Germain, fa izany kosa dia tsy mifandaka amin’ny fanajana ny soatoavina toy ny tsy fandavana an’Andriamanitra”.


Ady hevitra misokatra

Ny Profesora Raymond Ranjeva, mpahay lalàna, dia nilaza fa natao ho an’ny olon-kendry ny fandinihana ity raki-pampianarana ity. Ny konsiansy no iaingan’ny zavatra atao fa tsy sanatria natao ho an’ny olona minomino foana. Olona afaka amin’ny geja, olona manana finiavana sy tsy mihinana amam-bolony, mahay mandanjalanja sy mandinika. Tsy tahaka ny “boky mena”, hoy izy, ity raki-pampianarana ity fa ilana fandanjalanjana lalina ny fampiasana azy izay mifototra amin’ny fijerena ny marina sy ny rariny, amin’ny fahamarinana sy ny fampihavanana.

Ny solombavamboaka mpikatroka katolika iray dia nanamarika fa ny fiarahana mandray andraikitra no andikany ny resaka mira lenta fa tsy ilay resaka mifanohitra amin’ny lalàn’ny natiora voizin’ny sasany. Hanompo ny vahoaka no irotsahana ao amin’ny Antenimera, hoy izy, kanefa indraindray sahirana ihany manoloana ny baikon’antoko. Naneho ny hetahetany izy ny amin’ny mba hananan’ny mpanao politika pretra aomonie, mba tsy hibirioka amin’ny lalana tokony halehany. Novalian’i Mgr Benjamin io faniriana io ary nomarihany fa misy ny fomba atao raha ilaina tokoa ny hisian’izany. Notsindriany anefa fa mifototra amin’ny fampianaran’i Kristy ity tahirin-kevitra ity, ary olona manana konsiansy no mampiasa azy. Misy fenitra tsy azo dikaina ny zavatra rehetra voarakitra ao. Tsy azo atao ohatra ny fanalan-jaza izay mamono ny aina.

Ny sendikalista Ravoavy Michel ao amin’ny sendika kristianina dia nandefa soso-kevitra ny hanapariahana ny raki-kevitra amin’ny fomba rehetra mba hahamora ny famakiana azy.

Nisy mpino protestanta iray koa nandray fitenenana. Nomarihiny fa tena miparasaka tokoa ankehitriny ny ankohonana. Ao ny ray aman-dreny mivaro-janaka. Hita koa ny olona mitonon-tena ho kristianina kanefa ny atao tsy araka izany. Niaiky izy fa manampy amin’ny fanarenana izany ny raki-kevitra, azo ahitana tsara ny fepetra raisina manoloana ny fitsipika mifehy ny antoko mety mampisalasala.

Ny mpampianatra amin’ny politekinika Razanatsimba Gabriel Marie kosa dia nanipika fa misy tsy mety ny fanarahana ny fenitra isan-karazany eto amintsika na dia lazaina aza fa “manara-penitra daholo izao rehetra izao”. Noraisiny ho ohatra ny fahapotehan’ny fianakaviana. Nolazany mazava ny zavatra tiany ho an’ny zanany, dia ny haha olom-banona azy ireo.

 


Tsara ho fantatra momba ny boky

Mirefy 17 x 24 sm ny boky “Fampianaran’ny Eglizy katôlika momba ny fiaraha-monina sy ny sôsialy”, misy takila 511 ankoatra ny fonony.

Boky nadika teny malagasy avy amin’ny teny frantsay. Notontosain’ny Vaomiera episkopaly “Justice et Paix” eto Madagasikara ary navoakan’ny Edisiona Md Paoly Antananarivo. Hita ao amin’ny fiandohana ny taratasin’ny Kardinaly Sodano, sekireteram-panjakana, milaza ny antonanton’ny boky tamin’ny taona 2004, nivoahany voalohany. Ny Papa Joany Paoly faharoa no nipoiran’ny hevitra nandrafetana azy. Ao ihany koa ny fanolorana ny boky. Misy fizarana telo sy toko 12 ny izy iray manontolo, ankoatra ny famaranana. Ahitana teboka misy laharana na nomerao 583 (pejy 12-336). Ahitana fanondroana ny andinin-tSoratra Masina sy tahirin-kevitry ny Eglizy samihafa (pejy 337-356). Eo ihany koa ny fanondroana ny antsipirian’ny isan-teny (pejy 357-502) manamora ny fahitana ny lohahevitra tiana hovakiana.

Ny “Justice et Paix” eto Madagasikara no nisongadina nandritra ny fanolorana. Nitarika ny fotoana i mgr Roger Victor Rakotondrajao, filohan’ny Vaomiera episkopaly momba izany. Nanentana kosa i mompera Alain Thierry Raharison, sekiretera jeneralin’io. Saika nahatonga solontena avokoa ireo diosezy tamin’io andro nanolorana ny boky io, nahitana pretra aomonie sy lahika mpiara-miasa. Teo ihany koa ny pretra sy relijiozy, lahy sy vavy ary lahika mpikatroka samihafa tonga nanoina ny antso. Nisy minisitra sy solombavambahoaka avy amin’ny fitondram-panjakana aza. Nafanain’ny tarik’i Haga tamin’ny hira fanentanana mifandraika amin’ny asa fanirahana ataon’ny Fiangonana ny fotoana.

Partager l'article:

Lakroa en direct
  • 20 Jul. 2019 - 10:19-

    Ntsay Christian remplace Christian Ntsay.“Conformément aux dispositions de l’article 54 de la Constitution, est nommé Premier Ministre, Chef du Gouvernement : Monsieur NTSAY Christian” tel est le premier article du décret N°2019-1407, portant nomination du Premier Ministre, publié par la présidence de la République ce 19 juillet 2019. Le choix du premier ministre a été effectué sur la base des noms présentés par les députés majoritaires de l’IRD. Selon la "rumeur" Les trois noms présentés sont : Fienena Richarn Haja Resampa et Ntsay Christian. Il est donc reconduit (pour la deuxième fois) par le président Andry Rajoelina.

  • 19 Jul. 2019 - 08:45-

    JIOI 2019. Dans le cadre des Jeux des Îles, les Barea affrontent en premier les Seychelles. Le match se déroulera au stade Auguste Vollaire le 20 juillet à 14h15. Madagascar n’a pas perdu, lors des deux dernières rencontres entre les deux sélections, avec une victoire (0-1) le 11 juin 2016 et un match nul (1-1) le 29 mai 2018.

  • 18 Jul. 2019 - 14:15-

    USA. Le cardinal DiNardo interpelle Donald Trump sur les droits des migrants. «Il est contraire aux valeurs américaines et chrétiennes de chercher à empêcher aux personnes d’émigrer ici quand elles fuient pour sauver leurs vies et pour trouver une sécurité pour leurs familles», déclare le cardinal DiNardo.

  • 18 Jul. 2019 - 11:27-

    Birao maharitra AN. Vita ny fifidianana ny mpikambana ireo mandrafitra ny Birao maharitry ny Antenimieram-pirenena. Toy izao izany : Filohan’ny Antenimierampirenena : Razanamahasoa Christine Harijaona, Ambatofinandrahana (IRD). Filoha Lefitra Antananarivo : Rasolonjatovo Honoré, Faratsiho (IRD). Filoha Lefitra Antsiranana : Rahelihanta Jocelyne, Antsiranana I (IRD). Filoha Lefitra Fianarantsoa : Razafitsiandraofa Jean Brunelle, Ikongo (IRD). Filoha Lefitra Mahajanga : Rahantanirina Lalao, Mahajanga I (IRD). Filoha Lefitra Toamasina : Michelle Bavy Angelica, Fenérive Est (IRD). Filoha Lefitra Toliara : Rabenirina Jean Jacques, Betioky Atsimo (IRD).
    Questeur 1 : Henri Jean Michel, Ambovombe (IRD). Questeur 2 : Rakotomanga Lantoarivola Sedera, Antananarivo II (IRD). Questeur 3 : Rabenirina Maminiaina Solondraibe, Ambohidratrimo (TIM).
    Mpampakateny : Angèle Solange, Amboasary Atsimo (Mahaleotena). Mpampakateny lefitra : Rafenomanantsoa Tsirimaharo Ny Aina, Antananarivo III (IRD).

  • 17 Jul. 2019 - 09:30-

    Mercato-Jeremy Morel. En fin de contrat avec l'OL, l’international malgache Jeremy Morel signe pour un an de contrat avec le Stade Rennais. « Je suis très enthousiaste et fier de rejoindre le Stade Rennais F.C. Je vais faire du mieux possible pour apporter mon expérience au club. J’avais plusieurs sollicitations mais sportivement je me voyais plus ici. J’espère avoir fait le bon choix. À moi de tout faire sur le terrain pour remercier le Président de sa confiance », a-t-il déclaré.  

  • 16 Jul. 2019 - 09:30-

    Désensablement. La piscine naturelle du Parc National Isalo est de nouveau ouverte à la baignade depuis le vendredi 12 juillet dernier. « La profondeur et la propreté de l’eau ont été testées par les agents de Madagascar National Parks afin de s’assurer que toutes les conditions requises pour la baignade durant la haute saison touristique 2019 soient au mieux », déclare Madagascar National Parks sur Facebook.

  • 15 Jul. 2019 - 14:30-

    Jeux des îles. A l’île Maurice, les sportifs venant des sept îles de l'océan Indien s'affronteront sur quatorze disciplines : athlétisme, badminton, le basketball, boxe, cyclisme, football, haltérophilie, judo, natation, tennis de table, voile, beach volley et volleyball. Pour cette édition, l’ouverture officielle se fera le 19 juillet et prendra fin le 28 juillet.

  • 15 Jul. 2019 - 13:00-

    FMF. Lova Ramisamanana ne pourra se présenter à la course pour être à la tête de la fédération malgache de football. Il l’évoque sur sa page Facebook ainsi, « j’ai le regret de vous annoncer que je ne pourrai pas me présenter à la présidence de la fédération malagasy de football, faute de n’avoir pu réunir les 3 cautions requises. Nous nous sommes battus jusqu’au bout mais nous n’avons pu faire face à certains obstacles. »

  • 15 Jul. 2019 - 08:30-

    CAN 2019. Suite à leur victoire respective contre la Tunisie et le Nigéria, le Sénégal et l’Algérie disputeront la finale de cette édition de la Coupe d’Afrique des Nations. Pour rappel, les Fennecs ont battu ces Lions de la teranga lors de la phase de poule sur le score de 1-0 avec le but de Youcef Belaili.

  • 11 Jul. 2019 - 06:30-

    Fandaminana. Handamina ny polisim-pirenena ho an’ny alakamisy alina araka ny resadresaka tamin’ny mpanao gazety nataon’ireo tompon’andraikitra ao amin’ny Polisim-pirenena. Nanome ireo toromarika manodidina ny filaminana mandritra ny fijerena baolina kitra amin’izao Can izao izy ireo. Maro ny polisy hiasa amin’io alin’ny alakamisy io raha ny nambaran’ireto tompon’andraikitra ao amin’ny polisim-pirenena ireto.

  • 09 Jul. 2019 - 13:30-

    Supporter les Barea. L’inscription est ouverte pour aller supporter les Barea en Egypte pour leur quart de finale contre la Tunisie. Les billets sont disponibles auprès de l’Air Madagascar à Analakely. Adressez-vous à la même agence pour plus d’infos.

  • 06 Jul. 2019 - 13:00-

    Pape François – Poutine. Le président russe Vladimir Poutine a rencontré le pape François au Vatican le 4 juillet pour une discussion privée de 55 minutes. Le pape François et Poutine ont discuté de questions d'actualité en Syrie, en Ukraine et au Venezuela, ainsi que de questions environnementales et de questions concernant l'Eglise catholique en Russie, selon le bureau de presse du Saint-Siège.

  • 05 Jul. 2019 - 11:00-

    CAN 2019. La CAF a rejeté les plaintes contre la RDC pour match truqué. Suite à l’insuffisance de preuve réelle, les accusations de corruption de la fédération zimbabwéenne de football vis-à-vis de leur gardien de but ont été rejeté. De ce fait, le match entre Madagascar et la RDC dans le cadre des huitièmes de finale aura bel et bien lieu dimanche prochain.

  • 05 Jul. 2019 - 08:30-

    Wi-fi gratuit. Le mercredi 10 juillet prochain, le wi-fi gratuit sera disponible à Antananarivo. Il sera possible de se connecter librement, sur quatre zones incontournables de la capitale comme au jardin Antaninarenina, à l’arrêt bus Ambohijatovo, au jardin Antanimena et au pont de Behoririka.

  • 04 Jul. 2019 - 10:30-

    Nicolas Dupuis. Selon Jeune Afrique, Nicolas Dupuis est 31ème dans le classement des entraîneurs les mieux payés en Afrique. Il perçoit 7000€ par mois, selon les chiffres publiés par le média. Le sélectionneur de l’Egypte, Javier Aguirre, est le coach le mieux rémunéré sur le continent avec un salaire mensuel de 108 000 euros.

  • 03 Jul. 2019 - 15:15-

    CAN 2019. Anicet Andrianantenaina et Carolus Andriamanitsinoro intègrent l’équipe type de la phase de poule de cette Coupe d’Afrique des Nations. Pour rappel, Anicet était l’homme du match pendant la rencontre face à la Guinée. Carolus l’était à son tour pendant le match contre le Nigéria.

  • 03 Jul. 2019 - 14:30-

    FIER-Mada. Tanterahana ny alarobia 7 hatramin’ny 11 aogositra ho avy izao ny FIER-Mada faha 21, ao amin’ny kianja Makis Andohatapenaka. Amin’izany dia hisy ny lao-bary an-dasy hiompana amin’ny « fandrosoana maharitra : tetik’asam-panjakana vatsiana vola amin’ny voajanahary sy ifampierana amin’ny tantsaha eny ifotony ».

  • 03 Jul. 2019 - 13:15-

    Energie solaire. La nouvelle technologie solaire pourrait produire de l'eau potable propre pour des millions de personnes dans le besoin. Des appareils appelés alambics solaires utilisent le soleil pour évaporer l'eau salée et condenser la vapeur en eau potable saine. Les chercheurs ont mis au point un nouveau système accélérant le processus d'évaporation, permettant ainsi à un petit alambic solaire de fournir toute l'eau potable dont une famille a besoin.

  • 03 Jul. 2019 - 08:30-

    Fampandrenesana. Tapaka ny lalana : -Lalana Dr Rajaonah- Pharmacie Ankadifotsy- EKAR Antanimena- ESCA ny saboty 6 jolay 2019. Voarara ho an’ny fifamoivoizan’ny  fiara rehetra tsy an-kanavaka ny ampahany amin’ireo lalana ireo. Izany dia noho ny fankalazana ny faha-50 taonan’ny Sekoly Les Lutins Ankadifotsy, araky ny fampandrenesana.

  • 02 Jul. 2019 - 08:00-

    Supporter les Barea. Une offre exceptionnelle est disponible pour les 8è de finale de cette CAN. Elle est à 2.200.000 ar ( Billet d avion A/R +Hebergement+Transfert hôtel-stade+ Billet d entrée stade ) 298.000 ar ( Visa de séjour ) 198.000 ( Passeport ) soit 2.688.000 AR Départ d Ivato samedi 06 juillet - retour Ivato Lundi 08 juillet Appareil A 380 . Plus d infos contacter Air MADAGASCAR

Du même auteur

monde
politique

Dans la même rubrique

religion
religion
Publicité