logo
Lakroan'i Madagasikara
Haino aman-jery

Fintin'ny vaovao talohan'ny 26 mey 2021

Rasoanjanahary il y a 1 année

Ireto indray ny vaovao nofantenana : Tranga “coronavirus”, mihena miandalana raha ny antontanisa ofisialy, Ady amin’ny tsy fandriam-pahalemana sy dahalo, Ny mpiara-miombona antoka sy ny Praiminisitra nidinika momba ny “kere”, Hafatry ny mpitondra fivavahana noho ny Pantekoty sy vavaka ho fiatrehana ny ady amin’ny valanaretina

Fintin'ny vaovao talohan'ny 26 mey 2021


Tranga “coronavirus”, mihena miandalana raha ny antontanisa ofisialy

Mihena isan’andro ny isan’ny tranga momba ny “coronavirus” eto amintsika raha ny antontanisa ofisialy avoaka amin’ny haino aman-jery. Raha teo amin’ny 1549 ohatra ny andalam-pitsaboana tamin’ny tapaky ny volana mey, teo amin’ny 347 izany tamin’ny 26 mey. Torak’izany koa ny fihenan’ny isan’ny maty raha ny tambatry ny 15 andro indroa farany no itarafana azy. Raha nanakaiky ny 100 izany ny tapa-bolana voalohan’ny mey (1-15 mey), teo amin’ny 59 izany teo anelanelan’ny 16 sy 26 mey. Miisa 822 ny fitambaran’ny lavo hatramin’ny 26 mey. Nambara fa efa mihavitsy ny manatona hopitaly ary antony rahateo nanakatonana ireo toerana sasany natao toeram-pandraisana mararin’ny coronavirus sy hotely-hopitaly. Manodidina ny 200 000 ny fitiliana natao hatramin’ity herinandro ity ary maherin’ny 40 000 ny tranga mitondra ny tsimokaretina.

Tsy mbola vita anefa ny ady na dia eo aza izany isa toa manodoka izany satria ny tranga anivon’ny toeram-pitsaboana ireo namoahana ny isa ofisialy ireo, indrindra fa miditra amin’ny vanim-potoana mangatsiaka mampirongatra ny tsimokaretina isika. Ary mitohy hatrany ny fanentanana amin’ny fanarahana ny fepetra sakana samihafa toy ny fanasana tanana matetika amin’ny rano sy savony na “gel hydroalcoolique/désinfectant”, ny fanaovana maska, ny fanajana elanelana sy ny tsy fitangorongoronana. Ho an’ny firenena sasany any ivelany, dia efa ialana miandalana ny fihibohana sy ny fitondrana maska noho ny fahavitan’ny mponina vaksiny, ary mipetraka tsara ny drafi-panarenana ny fihariana hanampiana ny mponina. Fa misy koa ireo tena mbola ao anaty ady sarotra toa an’i Brezila sy Inde. Ho antsika, efa irosoana ny fanaovana vaksiny “astrazeneca” miainga amin’ilay 250 000 doses avy amin’ilay programa Covax.

Ady amin’ny tsy fandriam-pahalemana sy dahalo

Ao anatin’ny fitsidihan’ny filoham-pirenena ny any atsimon’ny Nosy tamin’iny herinandron’ny Pantekoty iny no nitokanana ny toby miaramila any Iakora misy ny fotodrafitrasa ilaina amin’ny fitandroana ny filaminana. Nambaran’ny filoha tamin’io fotoana io fa nihena 50% ny tsy fandriam-pahalemana eto amin’ny firenena tato anatin’ny roa taona. Ny alahadin’ny Pantekoty anefa, dia fantatra ny fisian’ny fanafihan-dahalo namoizana aina miaramila 2 sy fokonolona 17 ary fahaverezan’omby hatrany amin’ny 500 tany Midongy atsimo, tsy mifanalavitra amin’Iakora. Teo ihany koa ny fifandonan’ny vahoaka tamin’ny mpitandro ny filaminana tany amin’ny karieran’Andilana Avaratra any amin’ny Faritra Alaotra mangoro, nanapoahana lakrimozena. Ary faritra maro no fantatra fa mbola anjakan’ny dahalo sy mpandroba, tsy mampandry fahalemana ny mponina.

Fivorian’ny Antenimiera ampitain-davitra

Noho ny hamehana ara-pahasalamana, dia amin’ny alalan’ny fivoriana ampitain-davitra no hanatanterahan’ny Antenimieram-pirenena ny fivoriana ara-potoana fanaon’izy ireo. Anisan’ny tao anaty programa ny fifidianana ny filoha lefitry ny antenimieram-pirenena izay nahalany ny depiote Irmah Lucien Naharimamy tamin’ny vato 87 tamin’ireo 97 nandray anjara, avy amin’ny IRD. Teo ihany koa ny fandaniana famatsiam-bola samborina hanatanterana tetikasa samihafa eto amin’ny firenena toy ny avy amin’ny BAD. Mbola tsy fantatra mazava kosa ny amin’ny teti-bolam-panjakana LFR mamaritra ny fandaniana atao eto amin’ny firenena izay antom-pivorian’ny Antenimiera.

Fanendrena sy fanesorana mpiasam-panjakana ambony

Anisan’ny asa tsy miato ataon’ity fitondram-panjakana ity isaky ny fivorian’ny filan-kevitry ny minisitra ny fanesorana sy fanendrena mpiasam-panjakana ambony. Mahazatra moa hatramin’ity hamehana ara-pahasalamana ity, dia fanaovana izany amin’ny alalan’ny “visioconférence” ka ny tamin’ny alarobia 26 mey teo dia ny nanesorana ny tale jeneraly ao anivon’ny minisiteran’ny serasera sy ny kolontsaina sy ny talen’ny TVM no nisongadina, araka ny tolo-kevitry ny minisitry ny serasera sy ny kolontsaina.

Vidim-javatra ilaina andavanandro miaka-bidy

Mampikaikaika ny tokantrano maro ny fidangan’ny vidin-javatra ilaina andavanandro ao anatin’izao hamehana ara-pahasalamana izao, araka ny fampitam-baovao samihafa amin’ny haino aman-jery. Anisan’ny niaka-bidy izaitsizy ny menaka sy ny siramamy. Tafakatra hatrany amin’ny 8000 Ariary ny litatry ny menaka talohan’ny Pantekôty raha latsaky ny 6000 Ariary izany iray volana lasa izay, ary hatrany amin’ny 3200 Ariary ny kilaon’ny siramamy raha latsaky ny 2800 izany iray volana talohan’izany. Ny vary moa na dia efa fotoam-piakaram-bokatra aza, dia manodidina ny 2500 Ariary ihany ny kilao. Milaza ny mpivarotra fa any ampotony any no mahatonga ny fiakarana. Ny mpanjifa maro moa dia mizaka ny tsy eran’ny aina.

Ny mpiara-miombona antoka sy ny Praiminisitra nidinika momba ny “kere”

Nisy ny dinika nihaonan’ireo mpiara-miombona antoka amin’ny fiatrehana ny “kere” any atsimon’ny Nosy sy ny Praiminisitra Ntsay Christian tamin’ny fiandohan’ity herinandro ity teny amin’ny lapam-panjakana Mahazoarivo. Voalaza fa noho ny fahataran’ny fiavian’ny orana no nahatonga ireo trangana “kere” ireo ka ijerena ny paikady maharitra iatrehana azy.

Hafatry ny mpitondra fivavahana noho ny Pantekoty sy vavaka ho fiatrehana ny ady amin’ny valanaretina

Noho ny mbola fikatonan’ny Fiangonana, dia nisy ny hafatra avy amin’ny FFKM noho ny Pantekôty, nankaherezana ny isan-tokantrano manoloana ny fiatrehana ny ady amin’ity valanaretina mamely eto amintsika sy maneran-tany ity. Niantsoana firaisan-kina eo anivon’ny fiarahamonina. Ny Eglizy katolika moa dia manohy isan’andro ny vavaka totoafo isan’andro amin’ny alalan’ny haino aman-jery, amin’izao volan’i Masina Maria izao, amin’ny alalan’ny vavaka Rozery.

Rasoanjanahary

Partager l'article:

Lakroa en direct
  • 02 Mar. 2022 - 06:38-

    Point de situation cyclone tropical Emnati. Bilan humain du 01 mars 2022 à 18h00. 15 décès enregistrés (05 à Farafangana, 02 à Ihosy, 03 à Vangaindrano, 04 à Manakara et 01 à Mananjary). • 169 583 personnes sinistrées (44 046 ménages) ; • 17 265 personnes déplacées (4 166 ménages) dans 71 sites d'hébergement de 11 Régions (Amoron'i Mania, Androy, Anosy, Atsimo Andrefana, Atsimo Atsinanana, Fitovinany, Ihorombe, Matsiatra Ambony, Sofia, Vakinankaratra et Vatovavy).

  • 28 Feb. 2022 - 10:31-

    Bilan provisoire des dégâts après passage du Cyclone Tropical Emnati : Bilan humain du 26 Février 2022 à 16h00
    · 09 décès enregistrés dont 04 à Farafangana, 02 à Ihosy et 03 à Vangaindrano ;
    · 121 770 sinistrés (soit 33 280 ménages) dont 76 674 sinistrés (soit 16 952 ménages) pour la Région Atsimo Atsinanana ;
    · 86 995 personnes déplacées (soit 18 974 ménages) dont 66 118 personnes (soit 14 342 ménages) pour la Région Atsimo Atsinanana ;
    · L’ensemble des personnes déplacées est hébergé dans 123 sites d'hébergement de 12 Régions : Amoron'i Mania, Androy, Anosy, Atsimo Andrefana, Atsimo Atsinanana, Atsinanana, Fitovinany, Ihorombe, Matsiatra Ambony, Sofia, Vakinankaratra et Vatovavy.

  • 27 Feb. 2022 - 10:29-

    Bilan provisoire des dégâts après passage du Cyclone Tropical Emnati : Bilan humain du 26 Février 2022 à 16h00
    · 09 décès enregistrés dont 04 à Farafangana, 02 à Ihosy et 03 à Vangaindrano ;
    · 121 770 sinistrés (soit 33 280 ménages) dont 76 674 sinistrés (soit 16 952 ménages) pour la Région Atsimo Atsinanana ;
    · 86 995 personnes déplacées (soit 18 974 ménages) dont 66 118 personnes (soit 14 342 ménages) pour la Région Atsimo Atsinanana ;
    · L’ensemble des personnes déplacées est hébergé dans 123 sites d'hébergement de 12 Régions : Amoron'i Mania, Androy, Anosy, Atsimo Andrefana, Atsimo Atsinanana, Atsinanana, Fitovinany, Ihorombe, Matsiatra Ambony, Sofia, Vakinankaratra et Vatovavy.

  • 08 Feb. 2022 - 11:09-

    Olana nateraky ny compte fake. Niala tsiny tamin’i Madagascar Espace i Raveloson Lee Priscilla, administrateur ny page « Mariazy ho anao », ny zoma 4 fevier lasa teo teny andrefan’Ambohijanahary. Niala tsiny satria nahatsiaro ho nanana fahadisoana noho ny famelana ilay vaovao nataon’i Raholiarimanga Lovasoa tompon’ny « compte fake Wella Romène » ka niteraka fahavoazana lehibe ho an’i Madagascar Espace. « Tsy nohamariniko akory manko ny fahamarinan’io publication io, ary Raholiarimanga Lovasoa tompon’ny « compte fake Wella Romène » dia tsy nanao mariazy tao amin’ity toerana ity araka ny fanamarihana nataon’ny tompon’andraikitra ao amin’ny cybercriminalité.

  • 01 Feb. 2022 - 06:52-

    Bilan provisoire des dégâts (31 Janvier 2022 – 18h00). • 55 personnes décédées (Analamanga 39, Alaotra Mangoro 7, Fitovinany 2, Vatovavy 3, Sofia 2, Analanjirofo 1, Matsiatra Ambony 1); • 131 549 sinistrés répartis dans 12 régions (Alaotra Mangoro, Analamanga, Analanjirofo, Atsinanana, Boeny, Diana, Fitovinany, Itasy, Matsiatra Ambony, Sofia, Vakinankaratra, Vatovavy) ; • 27 581 personnes déplacées dont 27 200 réparties sur 72 sites d’hébergement pour le Grand Tanà qui reste l’épicentre des dégâts ; • 11774 cases d’habitation inondées ; • 58 cases d’habitation détruites.

  • 28 Jan. 2022 - 10:09-

    Bilan provisoire des dégâts (27 Janvier 2022 – 18h30). · 48 personnes décédées (Analamanga 33, Alaotra Mangoro 7, Analanjirofo 1, Fitovinany 2, Soafia 2, Matsiatra Ambony 1, Vatovavy 2) ; · 129 718 sinistrés répartis dans 12 Régions (Analamanga 33, Alaotra Mangoro 7, Analanjirofo 1, Fitovinany 2, Soafia 2, Matsiatra Ambony 1, Vatovavy 2, Atsinanana, Boeny, Diana, Itasy, Vakinankaratra) ; · 55 362 personnes déplacées dont 47 619 réparties sur 98 sites d’hébergement pour la Région Analamanga qui reste l’épicentre des dégâts ; · 11 791 cases d’habitation inondées ; · 58 cases d’habitation détruites.

  • 27 Jan. 2022 - 10:08-

    Bilan provisoire des dégâts (26 Janvier 2022 – 19h00). · 41 personnes décédées (Analamanga 32, Alaotra Mangoro 7, Analanjirofo 1, Matsiatra Ambony 1) ; · 110 394 sinistrés répartis dans 10 Régions (Analamanga 32, Alaotra Mangoro 7, Analanjirofo 1, Matsiatra Ambony 1, Atsinanana, Boeny, Diana, Itasy, Soafia, Vakinankaratra) ; · 71 781 personnes déplacées dont 55 859 réparties sur 90 sites d’hébergement pour la Région Analamanga qui reste l’épicentre des dégâts ; · 8 927 cases d’habitation inondées ; · 58 cases d’habitation détruites.

  • 26 Jan. 2022 - 03:30-

    Bilan provisoire des dégâts (25 Janvier 2022 – 17h) : · 39 personnes décédées Alaotra Mangoro (7), Analamanga (31), MatsiatraAbony 1; · 67 042 sinistrés répartis dans 7 régions Alaotra Mangoro, Analamanga, Atsinanana, Boeny, Diana, MatsiatraAbony, Sofia; · 38 929 personnes déplacées réparties sur 72 sites d’hébergement pour le Grand TANA qui reste l’épicentre des dégâts ; · 7 524 cases d’habitation inondées dont 57 détruites; · 5640 enfants privés de cours;  · 156 établissements scolaires touchés ; · 96% des personnes déplacées au niveau du Grand Tana (Source BNGRC).

  • 21 Jan. 2022 - 07:31-

    Bilan provisoire des dégâts pour Grand Tanà (20 Janvier 2022 – 18h) : 11 personnes décédées. 23 428 sinistrés. 9 091 personnes déplacées réparties sur 26 sites d’hébergement. 3 497 cases / maisons d’habitation inondées. 11 cases / maisons d’habitation détruites.


  • 20 Jan. 2022 - 07:30-

    Liste des sites d’hébergement actuels – Antananarivo (19 janvier). Pavillon Tsena Mora :187, Tentes dotées pour le fkt Amboditsiry : 650, Terrain foot près de Transport Leong ?, site Amboditanimena : 1 376, site Imamba : 410, Gymnase Mahamasina : 2 717, Bureau Fokontany Manjakamiadana : 183, EPP Manjakamiadana ?, bureau fkt Ambohipotsy : 200, ANS ampefiloha 32, Site Ambodimita : 16, EPP Andohatapenaka : 520, bureau fkt Antohomadinika IIIG Hangar (200) :  98, Epp Antohomadinika IIIG Hangar (110) 106, Gymnase Couvert Ankorondrano : 1 100, Bureau Fkt Andranoro : 8, bureau fkt Ambodihady : 10, bureau fkt Ankazomanga Atsimo : 265, Site Trano Karana près rond-point : 415, Bureau Fkt Ambodivonkely : 83, Biraom-pokontany Antanjombe Ambony : 81.

  • 18 Jan. 2022 - 20:35-

    Fifidianana ENAM. Migadona indray ity ny fotoam-pifidianana eny amin'ny ENAM Androhibe, anjaran' ny Cycle Expertise amin'ity indray mitoraka ity. 112 mianadahy izy ireo no indray handatsa-bato ho an'izay kandida laniny sy teliny hitantana ny andiany fahadimin'ny Cycle Expertise momba ny ady amin'ny tsy fahaiza-mitantanana eto amin'ny Firenena amin'ny alarobia 19 janoary 2022. Mizarazara amina - sampana efatra ny toeram-piofanana. Sampana samy miady amin'ny kolikoly sy ny tsy fanajana ny fahaiza-manao avokoa eo amin’ny ny asam-panjakana.

  • 31 Aug. 2021 - 09:26-

    Fahatezeran’ny filoham-pirenena Andry Rajoelina teo Ivato. Tafaverina ny alatsinainy 30 aogositra teo ny filoha Rajoelina rehefa namita iraka ekonomika sy diplomatika tany Frantsa. Niara-dia tamin’ny mpilalao Barea sasay ny tenany. Nanao vaan-dresaka fohy tamin’ny mpanao gazety ny tenany teo ampahatongavana teo Ivato. Naneho ny hatezerany tamin’ny mpikambana ny FMF ny tenany (Federasiona Malagasy Football) izay nambarany fa nisakana ny fahafahan’ny mpijery manatrika ny alalan’ny Barea ny 2 spetambra. Hahita izay nanao sonia iny taratasy iy hoy izy.

  • 31 Aug. 2021 - 09:26-

    Fitokanana ny Kianja Barea Mahamasina. Nambaran’ny filoha nandritra ny tafa fohy ntaony  ho an’ny mpanao gazety teny Ivato fa ho tanterahina ny 4 septambra izao ny fitokanana ny Kianja Barea izay nokasaina natao ny 2 septambra. Ity kianja monisipaly ity dia nohavaozina nanomboka tamin’ny fiandohan’ny taona 2020, mitentina 77 tapitrisa dolara avy amin’ny volam-panjakana madiodio, araka ny nambara tamin’izany fotoana.

  • 31 Aug. 2021 - 09:25-

    Famindram-pitantanana teo amin’ny Praiminisitra sy ny minisitry ny harena ankibonan’ny tany teo aloha. Notontosaina tamin’ny 23 aogositra 2021 ny famindram-pitantanana teo amin’ny Praiminisitra Ntsay Christian sy ny minisitry ny harena an-kibon’ny tany teo aloha Ravokatra Fidiniavo. Ny Praiminisitra izany no mitantana ity minisitera ity taorian’ny fametram-pialan’ny minisitra Brice Randrianasolo telo andro taorian’ny nanendrena azy tamin’ny 15 aogositra 2021.

  • 31 Aug. 2021 - 09:25-

    Fahazoan’ny mpitsara bakalorea any Antsiranana vola tamin’ny faritra sy kaominina. Nanolotra vola ho an’ireo mpitsara fanadinana bakalorea izay nanao fitokonana ny governoran’ny Faritra Diana sy ny ben’ny tanànan’ny kaominina ambonivohitra Antsiranana tamin’ny 23 aogositra 2021. Mitentina 34 tapitrisa Ariary ny avy avy amin’ny governora ary 16 tapitrisa Ariary ny avy amin'ny ben’ny tanàna. Nilaza ny tsy hitsara manko ireo mpitsara raha tsy voaloa ny tambim-pitsaran’izy ireo teo aloha. Ny minisiteran’ny fampianarana ambony sy ny fikarohana siantifika anefa dia efa nilaza, araka ny fampahafantarana nataony tamin’ny 17 aogositra fa efa nalefa any amin’ny oniversite isanisany ny vola tambin-karaman’ireo mpitsara ny fanadinana bakalorea 2020.

  • 31 Aug. 2021 - 09:25-

    Fivoaran’ny ‘covid-19’ sy ny hamehana ara-pahasalamana. Tsikaritra ho vitsy ny tranga vaovao amin’ny ‘covid-19’ raha mitaha amin’ny fitiliana atao tamin’iny herinandro iny, fa misy ihany ny tranga ahitam-pahasarotana. 3/351, 5/578, 3/845 ohatra ny tranga vaovao tamin’ny fitiliana natao tamin’ny 26, 27, ary 28 aogositra. Ny 23 marsa 2020 ka hatramin’ny 27 aogositra 2021, miisa 241 052 no fitambaran’ny fitiliana natao, miisa 955 ireo lavo, miisa 42 862 ireo tranga ka ny 42 566 no sitrana araka ny antotanisa ofisialy avy amin’ny minisiteran’ny fahasalamam-bahoaka. Mbola ao anatin’ny hamehana ara-pahasalamana i Madagasikara raha ny didim-panjakana navoaka tamin’ny 22 aogositra 2021, ary mipetraka ireo fepetra sakana samihafa.

  • 31 Aug. 2021 - 09:24-

    Filaharana haka tapakila hidirana ao Mahamasina. Ho tokanana amin’ny 2 septambra, andro hanatanterahana ny lalao hifanandrinan’i Barea Madagasikara sy ny ekipan’i Bénin amin’ny fifanintsanana hiadiana ny amboara eran-tany 2022 ny kianja Barea ao Mahamasina, araka ny fandaminana avy amin’ny prezidansa nampitaina tamin’ny fiandohan’ny herinandro lasa teo. Filaharana lava hatramin’ny vao maraina no hita ny alakamisy 26 sy zoma 27 aogositra mba haka ny tapakila hidirana ao Mahamasina, hijery baolina sady hanatrika ny fitokanana ny kianja.

  • 31 Aug. 2021 - 09:24-

    Fandavan’ny CAF ny hanatrehan’ny mpijery ny lalao ao Mahamasina. Nolavin’ny CAF (Confédération africaine de football) ny fangatahan’ny sekretera jeneralin’ny FMF (Fédération malagasy de football) ny hahafahan’ny mpijery miisa 1500 hanatrika ny lalao baolina kitra hatao ao Mahamasina amin’ny alakamisy 2 septambra 2021, ao anatin’ny fifanintsanana hiadiana ny amboara eran-tany 2022 hatao any Qatar. Araka ny fampatsiahivan’ny CAF ao amin’ny valim-pangatahan’ny FMF tamin’ny 27 aogositra, dia araka ny lamina napetraky ny CAF sy ny FIFA ny tsy hanatrehan’ny mpijery ny lalao noho ny valanaretina ‘covid-19’.

  • 31 Aug. 2021 - 09:23-

    Hetsiky ny RMDM Frantsa sy fisamborana/ famotsorana an’i Fanirisoa Ernaivo. Nandritra ny dian’ny filoham-pirenena malagasy tany Paris no nisian’ny hetsiky ny rodoben’ny mpanohitra RMDM Frantsa tarihin’i Fanirisoa Ernaivo izay mitsikera hatrany ny fitantanan’ny filoha Rajoelina sy mitaky ny fialany. Nandritra ny fihaonana tamin’ny Medef ny 25 aogositra, dia nisy ny fisamboran’ny polisy frantsay ity mpitarika ny RMDM Frantsa ity noho ny vaovao nampitaina tamin’izy ireo fa hoe mitondra fitaovam-piadiana izy saingy navotsotra ihany satria tsy nahitana izany tany aminy. Nambara ihany koa ny fisian’ny ‘mandat d’arrêt international’ hisambotra azy saingy tsy azo notanterahina izany raha ny nambaran’ny nokasaina hosamborina satria mpialokaloka politika no maha any azy. Voalaza fa ‘mandat d’arrêt’ nosoniavin’ny minisitry ny raharaham-bahiny Patrick Rajoelina tamin’ny 16 aogositra izany. Ny minisitry ny fitsarana ankehitriny Imbiky Herilaza dia nanamafy fa didim-pitsarana efa nivoaka ny fisamborana azy, nilaza izy fa hifampiraharaha amin’ny fanjakana frantsay ny fanjakana malagasy ny hisamborana sy hampodiana an’i Fanirisoa Ernaivo aty Madagasikara.

  • 31 Aug. 2021 - 09:23-

    Vidin-javatra midangana sy ny minisitera. Nametraka ny tokony ho saran’ny entana sasantsasany ilaina andavanandro ato anatin’ny enim-bolana ny minisitry ny indostria sy ny varotra ary ny fanjifana Edgard Razafindravahy. Tamin’ny 26 aogositra teo no nitondrany ny fanazavana momba izany. Anisan’izany ny menaka fihinana « huile de palme » izay tsy tokony hihoatra ny 6000 Ariary ny litatra, ny menaka soja ‘en vrac’ tsy tokony hihoatra ny 7000 Ariary ary ny anaty tavoahangy mihidy tsy hihoatra ny 7500 Ariary, ny vary tsy tokony hihoatra ny 2300 Ariary ny kilao, ny siramamy tsy tokony hihoatra ny 2600 Ariary ny kilao, torak’izany koa ny lafarinina tsy tokony hihoatra ny 2600 Ariary ny kilao, ny arina fandrehitra tsy tokony hihoatra ny 23 000 Ariary ny gony. Mbola lavitry ny vidiny teo aloha izay efa tsy zakan’ny ankamaroan’ny olona ireo raha ny fanehoan-kevitry ny olona satria tany amin’ny 5000 Ariary ny litatry ny menaka taon-dasa. Ny filoha malagasy moa dia nanome andro telo hamahana ny olan’ity fidangan’ny vidin’entana ilaina andavanandro ity tamin’ny kabariny saingy tsy tafa izany raha ny zava-misy.

Du même auteur

societe
economie

Dans la même rubrique

newtech
newtech