logo
Lakroan'i Madagasikara
26 Jiona 2015

Lahatenin'ny Filoha Hery Rajaonarimampianina

Nanangona Ranaivo Jacques il y a 2 années

Indro arosontsika eto manontolo ny lahatenin'ny Filoha Hery Rajaonarimampianina nandritra ny lanonana fiarahabany ny Vahoaka Malagasy sy ireo nasainy teny amin’ny Lapam-panjakana teny Iavoloha ny 26 jiona tolakandro.

Lahatenin'ny Filoha Hery Rajaonarimampianina

Miarahaba ny ambany lanitra, ianareo Mpiray Tanindrazana tsy vaky volo, na ny eto antoerana, na ireo mieli-patrana manerana izao tontolo izao izay arahabaina koa fa mankalaza ity andro ity amin’izao fotoana izao, miarahaba anareo velon’aina, notahian’Andriamanitra ka tojo ny Asaramanitra.

 

Mieloelo fisandrahaka hono ny alam-boanion’Atsinanana, midoroboka famelana ny ravin-tapian’Imamo, fa tsara fisandrahaka sy kanto famelana mihoatra noho izany, ny fivelaran’ny fonay manoloana anareo hitondra ny arahaba feno hafaliana, hamafy ny akory dibok’haravoana fa nahatratra ny ASARAMANITRA 2015 izao.

 

Miarahaba ny isan-tokantrano sy ny isam-baravarana, miarahaba ny isam-batan’olona samy salama tsy marofy miara-mankalaza ity andro lehibe ity!

 

Miarahaba anareo olo-manan-kaja tonga maro eto amin’izao fotoana izao.

Manara hono ny ririnina raha tsy itafian-damba, refona am-piakarana ny mpandeha raha tsy arahin-tohan’aina, mangaina ny havoana raha tsy eo ny lohasaha; ary tsy izany e! fa inona moa izahay mpitondra raha tsy eo hianareo Vahoaka? Fa ianareo no kofehy maito mitam-panjakana, ianareo no hazomanga fanao tehina, ianareo no fototra ijoroan’ny fanjakana, koa izany no anehoako etoana ny fiarahabana tena miavaka ho anareo.

 

Ny andon’ny lanitra hirotsaka maharitra ho an’ny isam-baravarana, ny tsiron’ny tany hiboika ho an’ny isan-tokonana, dia samy hatratra ny Asaramanitra amin’ny taona ho avy sy mitsingerina indray isika rehetra izao.

 

55 taona izay no niverenan’ny Fahaleovantenan’i Madagasikara. Fotoana miavaka izany, andro manan-tantara no sady andro fieritreretana lalina ihany koa mikasika ny làlana efa nodiavina sy izay mbola miandry. Fitaovana izao andro izao ahaovantsika jery todika ny fiainam-pirenena, andinihan-tena ary fotoana ihany koa ifanaovana velirano amin’izay làlana tiana hizorana, sy ny fomba fisainana ahatonga antsika hiara-mizotra mankany amin’ny tanjona izay iombonana.

 

Fa inona no mampiombona antsika ? Ny tanjona iraisana dia ny hananantsika isan’ankohonana sy fianakaviana fiainana mihatsara kokoa hatrany eto amin’ity tany efa foin’Andriamanitra ho antsika ity.

 

Miainga amin’ny fahafahantsika misafidy sy manapaka ny fomba fitantanana sy fampandrosoana ny Firenena izany.

 

Inona koa no mampiombona antsika ? Ny kolontsaina maha Malagasy antsika izay mirakitra soatoavina tsy tontan’ny ela, ka tokony omentsika hasina vaovao hatrany amin’izao andro diavintsika izao. Izany hoe « Rariny sy hitsiny » izany dia tena soatoavina mipàka avy hatrany amin’ny fomba fitantanan-draharaha. Mikatsaka izany isika satria tokony hanana ny anjara masoandro sahaza ny herim-pony ny malagasy rehetra, ary ny andraikitry ny mpitondra dia ny mandamina ny sehatra mba ahatonga izany herim-pon’ny malagasy izany hitondra fihatsaram-piainana, fivelarana sy fisandratana. Tsy misy Firenena matanjaka raha mbola marefo ny vahoaka. Isan’ny soatoavina lehibe koa, izay efa novohizina, nanterintsika foana ny « Fihavanana ». Fantatro fa misy ny milaza hoe : efa tsisy dikany intsony izany fa efa nosimbaina sy nozimbazimbaina. Angamba, ho an’ny ampahiny vitsy fotsiny izany. Fa mbola misy lanjany izany ho an’ny sarababem-bahoaka. Ary heveriko fa manana adidy daholo isika hamerina ny hasin’ny « Fihavanana » izay mifamatotra rahateo amin’ilay nolazaiko teo hoe « Rariny sy Hitsiny ». Rehefa tsy voahaja ny Rariny sy Hitsiny dia mikoroso ny Fihavanana. Koa miantso anao aho anio, hiaro sy hamerina ny hasin’ny Fihavanana mba ifanaraka tsara amin’izao andro iainantsika izao.

 

Ny fandalàna ny fihavanana, tompokolahy sy tompokovavy, tsy midika ho falemena ary ny fandeferana tsy midika ho faharesena, sao misy diso hevitra amin’izany.

 

Raha manao topimaso amin’izay nodiavintsika nandritra ny 55 taona niverenan’ny Fahaleovantena isika, dia miaiky fa na be aza ny vita, mbola be lavitra noho izany ny tokony hatao.

 

Maro karazany ny antony tsy nahatanteraka izany. Misy avy amin’ny fifandraisantsika sy fiarahantsika miasa amin’ny firenena sy fikambanana maneran-tany nandritra izay 55 taonaizay. Misy kosa anefa avy amintsika ihany, avy amintsika irery ka manery antsika tsy maintsy handini-tena lalina.

 

Ny antony lehibe iray avy amintsika samy isika dia tsotra ihany : mikorontan-dava ny fiainantsika nandritra izay 55 taona izay. Raha manadihady kely fotsiny isika dia mahita fa impolo niova mpitondra i Madagasikara hatramin’ny taona 1960, kanefa tamin’izay folo izay dia vitsivitsy ihany no nisy fifandimbiasam-pahefana tony fa ny sisa, saika nialohavan-dromoromo, saika narahan-dromoromo foana.

 

Efa nisy izany Filoham-panjakana maty voatifitra teo amperinasa teto amintsika; efa nisy ireo Filoham-pirenena sy Malagasy maro voatery nanao sesitany ny tenany.

Maro ny olon-tsotra izay namoy ny ainy tanaty hotakotaky ny tantara. Toa ny tongo-bakivaky izany, sady marary no mahamenatra. Mikorontan-dava ity tany ity, ary isan’izay tsy mampandroso antsika izany na dia manankarena aza I Madagasikara.

 

Tsy manary toky anefa isika fa izay vitan’ny hafa ve tsy ho vitantsika, ary ianareo ry vahoaka no heveriko fa antoka lehibe indrindra amin’izany. Ny tranga farany nampisavorovoro ny saintsika teo nandritra ny herinandro vitsivitsy izay no nahitana fa notandrovanareo vahoaka toa ny anakandriamaso ny filaminana sy ny fahatoniana satria efa takatrarero tsara fa tsy misy na inona na inona vita anaty korontana. Milamina aza mbola tsy mora ny ady atao.

 

Lesona lehibe ry Vahoaka malagasy no nomenareo ny mpanao politika rehetra, na mitondra izy na ivelan’ny fitondrana. Renay rehetra mitambatra ny hafatra avy aminareo ary hitanareo angamba fa samy miezaka daholo ny ankolafy politika mba hanehoany eo imasonareo fa toaviny koa ny filaminana sy ny fitoniana. Fandresena lehibe ho antsika mianakavy izany.

 

Inona no ilantsika filaminana sy fahatoniana ? Mbola be lavitra noho izay vita ny asa fampandrosoana sy fanatsaram-piainana miandry antsika Tompokolahy sy Tompokovavy.

 

Mila fotoana lava sy asa mitozo ny fanomezana fototra matanjaka ny fianarana sy fanabeazana ny zanantsika, mila fotoana lava sy asa mitozo ny fametrahana fotodrafitrasa ho an’ny fahasalaman’ny ankohonana sy ny taranaka, mila fotoana lava sy asa mitozo ny fampivelarana fiharian-karena miorim-paka isam-paritra mba hanovosoa « Ara-drariny sy hitsiny » ny malagasy rehetra. Izany no fanamafisana ny « Fihavanana » mba tsy hisy intsony ny zanak’Ikalahafa sy ny tany lavitra andriana.

 

Mila izany filaminana sy fahatoniana izany na iza na iza fidian’ny vahoaka hitondra ny Firenena, mba ahafahany miasa fa tsy ho teriteren’ny fahamehana sy ny korontana politika lava izao.

 

Inona koa no ilàna ny filaminana sy ny fahatoniana ? Eo ny fifandraisana sy fiaraha-miasantsika amin’ny any ivelany, fa indrindra ireo mpandraharaha lehibe maniry ampiasa ny renivolany ety amintsika. Isika dia mandrefy ny vetivety, ny fohy ezaka, fa izao tontolo izao sy ny mpampiasa vola dia mandrefy ny fotoana maharitra ilaina hamerenana ny vola sy hametrahana izay tena rafi-mpanpandrosoana.

 

Amam-polo taona ny fifanarahana ilain’izy ireny. Fitondram-panjakana sy Firenena no ifanarahany raha ny marina fa tsy Mpitondra satria ny mpitondra  dia mandalo sy mifandimby ihany ka raha ny Fitondram-panjakana sy ny Firenena mikorontan-dava, na iza na iza mitondra azy, dia tsy mety amin’ny fiaraha-miasa iraisam-pirenena izany. Izany no ilazako amintsika ny efa fantatsika ihany, fa ilaintsika ny filaminana sy fahatoniana eo amin’ny fiainam-pirenena. Hihamora sy hahomby tokoa ny fifandraisantsika amin’ny mpiara-miasa avy any ivelany satria ho afaka manopy maso lavitra kokoa izy ireo miaraka amintsika eo amin’ny fampandrosoana ny firenena.

 

Tompkolahy sy Tompokovavy, ry Malagasy mpiray tanindrazana,

 

Ny filaminana sy ny fitoniana no ilomby an-dohantsika rehetra. Raha voatandrontsika izany dia hizotra amin’ny fahamatorana kokoa ny ady hevitra ara-politika, satria izany no manamasaka antsika rehetra handray an-tanana ny ho avintsika sy ny taranaka fa tsy ny korontan-dava. Koa afaka hiasa sy hanatontosa ny adidy napetraka taminy ho an’ny firenena izay olona voafidy na voatendry hanao izany.

 

Mametraka fanontaniana ihany izahay indraindray hoe ahoana tokoa moa no hamitan’ny olona iray ny asa izay napetrakao vahoaka malagasy taminy ka ahazoanao mitsara azy hoe nahavita na tsia, raha tahiny ka maraina – atoandro – hariva dia korontanina foana izy ? Avelao izy hiasa antsakany sy andavany dia tsarao,  tolory hevitra raha misy ahitsy amin’izay tsy mety, fa aza korontanin-dava izao.

 

Ny tsy maintsy tsarovantsika sy tandrovantsika hatrany, dia ny fahendren’ny razana hoe : ny fanahy no olona. Fantatrao na tsy miteny aza ianao ry Malagasy, ny hasarotan’ny tontolom-pitantanana misy eto amin’ity firenentsika ity, nefa, na izany aza, rehefa tena miasa dia misy ny vokatra, ary tsy hikely soroka amin’izany izahay satria fantatray fa ny asa ihany sy ny asa hatrany no hifandresentsika lahatra.

 

Tsy hitanisa ny zava-bita tanatin’izany tontolo nanahirana izany aho. Izay manara-baovao sy tsy mitapimaso na mody marenina dia mahafantatra fa ny vokatra efa mijoro, ny tetikasa efa manomboka ary mbola tohizana sy hitarina.

 

Aleoko, amin’ity androany ity, maka ho vavolombelona ny mpiray Tanindrazana any Sakaraha, Nosy Be, Betafo, Manandona, Farahantsana, Ankaibe, Maromandia, Antsirabe, Satrokala, Tsaramandroso, Tsararano, Tanamasina, Manjarivo, Ste Marie, Mangoky, Analamisampy, Sahambano, Ambilobe, Ambanja, Antsohihy… ampahany ihany ireo fa tsy izy rehetra akory : anontanio azy ireo, anontanio an’ireo vahoaka hoe misy zavabitan’ny fitondrana ve aty sa tsia ? Anontanio azy ireo hoe misy fihatsaram-piainana ve efa tsapain-tanana na efa mitsimoka ve any sa tsia ?

 

Mbola be lavitra noho izany no takian’ny fampandrosoana izay anaty vina ho an’ny Firenena iombonana sy ny mpiray Tanindrazana. Enga anie mba ho tody haingana eo amin’ny filaminana sy fahatoniana mateza isika fa hanafaingana ny asa sy ny vokatsoa izany, hanamora ihany koa ny fifampiraharahana amin’ny mpiara-miasa any ivelany rehetra satria hitombina ny fifampitokisana. Handroso amin’ny fanajariana ny haren’i Madagasikara isika ary hitsinjara ara-drariny sy hitsiny ny vokatr’izany amin’ny fampandrosoana ny faritra rehetra.

 

Ry Malagasy mpirayTanindrazana, Tompkolahy sy Tompokovavy,

 

Izany no fanamby tiako hamafisina sy anterina amin’izao fotoana ankalazantsika ny tsingerin-taona faha 55 niverenan’ny Fahaleovantena izao, Fitiavan-tanindrazana sy Fihavanana, antoky ny Fampandrosoana. Izany no fotokevitra hijoroantsika amin’ity taona ity, iainanao ary tokony iainantsika isan’andro ho fampandrosoana ny firenena. Izany no mampisy dikany ny fankalazana tahaka izao, izany no fomba hanajariantsika ny lova sarobidy navelan’ny Razantsika ho antsika dia ny hoe: ny Firenena sy ny hareny ary ny olony dia tsy misaraka amin’ny kolontsaina maha izy azy. Aoka isika ho mendrika izany lova sarobidy izany.

 

Tsy sanatria Firenena voahozona i Madagasikara ka tsy hanana ny anjara fahombiazana sy fisandràtana tahaka ny firenena hafa nilahatra taminy faha izany kanefa efa nikopak’elatra. Isika no anton’ny fahavoazana kanefa isika koa no antoky ny fahombiazana.

 

Ho fankasitrahana anareo miaramila, zandary ary polisim-pirenena nikarakara ny matso, dia omena fialan-tsasatra 24 ora ianareo.

 

Eo ihany koa ny fanatonana ny fampiharana ny sazy latsaky ny 15 andro na fanagadrana teo anelanelan’ny voalohan’ny volana janoary sy izao faha-26 jona 2015 izao

 

Samia tahin’Andriamanitra isika mianakavy, ho ela velona anie ny Tanindrazantsika.

 

Hery Rajaonarimampianina

Filohan’ny Repoblikan’i Madagasikara

Lapan’Iavoloha, faha 26 jona 2015


Loharano :

http://www.presidence.gov.mg/arahaba-tratry-ny-asaramanitra/

Partager l'article:

Lakroa en direct
  • 24 May. 2017 - 18:00- Fetin'ny reny. Maro ireo hetsika misy natao hisarihana ny mpanjifa hividy fanomezana ho an'ny reny amin'izao fetin'ny reny izao. Ny fikambanana Ceinture Verte dia manao varotra fampirantiana voninkazo ary tontosaina ao amin'ny tranombokim-pirenena ao Anosy. Nanomboka io alarobia maraina io ny hetsika ho an'ity fikambanana ity. Ny Madavision dia manolotra ny Grande Braderie de Madagascar ao amin'ny Palais des sports Mahamasina. Santionany ihany ireo.
  • 24 May. 2017 - 17:33- Première journée et une grande affluence. La grande braderie de Madagascar a ouvert ses portes comme prévue sur  les coups de 9 heures du matin. Pour Harilala Ramanantsoa en cette première journée les habitués de l'événement étaient au rendez-vous surtout dans l'après-midi avec led enfants car demain jeudi Ascension il n'y a pas école. Elle pense que pour la journée du jeudi l'affluence sera encore plus grande.
  • 24 May. 2017 - 07:00-

    Grande Braderie mai 2017. La Grande Braderie ouvre ses portes ce mercredi 24 mai 2017 dès 8 heures. Elle revient dans sa cour de prédilection, là où elle a grandi et créé ses lettres de noblesse. Elle se déroulera du 24 au 28 mai 2017 au Palais des sports de Mahamasina. Cette seconde édition pour l’année est dédiée aux mamans mais aussi en prévision de la saison hiver avec les produits pour affronter le froid. Madavision la société organisatrice exige de la part des participants un minimum de remise de 15%. Une formule qui a fait la renommée de cet événement.

  • 20 May. 2017 - 08:13-

    Grande Braderie mai 2017. Après un détour au Stade annexe de Mahamasina, la Grande Braderie revient dans sa cour de prédilection, là où elle a grandi et créé ses lettres de noblesse. L’édition de la fête des Mères 2017 se déroulera du 24 au 28 mai 2017 au Palais des sports de Mahamsina. La formule ne change pas. Un minimum de remise de 15% est exigé de la part des participants par Madavision la société organisatrice. Harilala Ramanantsoa a rencontré les participants ce 19 mai 2017 pour rappeler cette base et faire connaître les dernières consignes.

  • 19 May. 2017 - 06:56-

    20 taona ny Fdl Spaa. Feno 20 taona ny firaisan’ny diakona sy loholona eo amin’ny sinaodam-paritany andrefana eo anivon’ny fiangonana FJKM.  Entina hanamarihana izany vanim-potoana izany dia miantso ireo rehetra efa nandalo tao anatin’izany firaisana izany sy ireo kristianina rehetra eo anivon’ny sinaodam-paritany ary ny mpino rehetra hiara-hiombom-bavaka ny tontolo andron’ny sabotsy 20 mey 2017. Hisy fotoam-pivavahana ny maraina ary antsam-piderana ny tolakandro. Ny toerana hanaovana izany dia ao amin’ny Lapan’ny Kolontsaina sy Fanatanjahantena.

  • 11 May. 2017 - 13:52-

    Le Conseil des Ministres du mercredi 10 mai 2017 au Palais d’Etat d’Iiavoloha a pris un décret pour le compte de la Présicence de la République désignant les membres du Comité de sélection national des membres du Conseil du Fampihavanana Malagasy (CFM) à savoir : Madame Razafindrakoto Harimisa, Madame Ratsimbazafy Claudine, Madame Voahita Colette, Monsieur Tehindrazanarivelo Emmanuel Djacoba, Monsieur Velompanahy Aristide, Monsieur Rabenirainy Nirina, Monsieur Andrianasolo Andry Fiankinana Manantsaina, Monsieur Randriamampionintsoa Lantonirina, Général Mounibou Ismael.

  • 02 May. 2017 - 07:39-

    Session ordinaire du Parlement. Selon la Constitution, l'Assemblée Nationale se réunit de plein droit en deux sessions ordinaires par an. La durée de chaque session est fixée à soixante jours. La première session commence le premier mardi de mai (article 75). Il en est de même pour le Sénat comme stipulé dans l’article 84 de cette même constitution. L’ouverture de la session se fera ce 2 mai 2017 à 14 heures pour la Chambre basse et à 16 heures pour la Chambre haute. L’ordre du jour de la session sera dévoilé au fur et à mesure.

  • 28 Apr. 2017 - 13:20-

    SMédFM attaque le SMM. Le syndicat des médecins fonctionnaires de Madagasikara (SMédFM) dans a effectué une conférence de presse ce 28 avril 2017. Le président de ce syndicat dénonce ouvertement les attaques effectuées par le Syndicat des Magistrats de Madagasikara en faisant irruption à l’hôpital Hjra dans le cadre du dossier Claudine Razaimamonjy. Le SMédFM demande à ce que tout un chacun respecte les médecins et que tout citoyen souhaitant avoir des informations au sein d’un hôpital suit les procédures et les différentes étapes.

  • 28 Apr. 2017 - 13:17-

    Jazz Day. En novembre 2011, la Conférence générale de l’UNESCO a décrété le 30 avril pour être la Journée internationale du Jazz ou Jazz Day. Il s’agit d’un événement dédié exclusivement à la musique jazz. A Madagasikara, cela fera 6 années consécutives que cette journée est célébrée dans le pays. Pour la journée du dimanche 30 avril de cette année placée sous le signe du swing. L’agenda est le suivant : à 13h : Atelier de sensibilisation et d’initiation au jazz à l’attention des jeunes ; à 14 h : Podium Jazz au jardin d’Antaninarenina ; à 19h : Soirée cabaret jazz à l’Hôtel du Louvre Antaninarenina.

  • 27 Apr. 2017 - 08:52-

    Produire 100 000 tonnes de riz. Une cérémonie de signature de convention s’est déroulée ce jour dans les locaux de l’Agence Malagasy de Développement économique et de Promotion des entreprises (AMDP) sis à Ambohitsorohitra (Immeuble de la Présidence) entre l’AMDP et la société chinoise Yuan’s, représentées par leur Directeur Général respectif, M. Hugues Ratsiferana et Lijun Zhang. Cette convention porte sur la promotion de la culture de riz hybride à Madagascar. Ce partenariat va toucher initialement quelques  communes des  zones des hauts plateaux et des zones côtières avec comme objectif 100 000 t de riz sur une surface test de 10 000 ha de surfaces cultivées en riz hybride.

  • 26 Apr. 2017 - 13:34-

    Hauts emplois de l’Etat. Le Conseil des Ministres du mercredi 26 avril 2017 à 10 Heures au Palais d’Etat d’Iavoloha vient de nommer par décret JAOMIARY Olivier Aimé comme nouveau Directeur Général de la Société Jiro sy Rano Malagasy (JIRAMA) Et ce même Conseil des Ministres du mercredi 26 avril 2017 à 10 Heures au Palais d’Etat d’Iavoloha vient de nommer par décret RAJAONARIVELO Laurent, Secrétaire Général du Ministère de l’Eau, de l’Energie et des Hydrocarbures. Il est à noter que le regroupement de 2 Ministères du précédent Gouvernement a entraîné de nombreuses abrogations de nominations.

  • 24 Apr. 2017 - 08:33-

    Le Père Njiva Lucien assassiné. Selon www.sobikamada.com Un prêtre catholique assassiné par balles cette nuit, un frère Noviciat blessé. L’attaque a eu lieu la nuit du samedi 22 avril visant la résidence des prêtres catholiques sise Ambendrana au cours de laquelle un prêtre au nom de Njiva Lucien de la congrégation capucine a été tué sur le coup, par balles de Kalachnikov. Le frère du Noviciat a été blessé au cours de l'attaque. Les bandits ont oublié sur le lieu du crime un sac plein de munitions de AK 47 généralement utilisées par les forces de l'ordre.

  • 20 Apr. 2017 - 07:21-

    Carte d’électeur biométrique. Teknet Group organise une porte ouverte sur l’utilisation des imprimantes à cartes et des solutions complètes pour l’identification et la personnalisation de badges et cartes plastiques tant à une petite société qu’à des grosses sociétés avec plusieurs milliers d’employés mais aussi pour les écoles. Selon Johanne Raharinosy, DG de la société, cette technologie a été utilisée en Tanzanie pour les cartes d’électeurs des 23 millions d’inscrits avec la société partenaire. Un exemple de dimension importante qui montre l’utilisation de cette technologie au-delà des utilisations dans la vie courante.

  • 20 Apr. 2017 - 07:17-

    Fivoriana ara-potoana voalohany ho an’ny Filankevitra monisipaly an’ny kaominina Antananarivo renivohitra. Nisokatra ny 19 avrily 2017 ny fivoriana ara-potoana Filankevitra monisipaly an’ny kaominina Antananarivo renivohitra. Haharitra folo andro izany ary hifarana ny 28 avrily izao. Faustin Andriambahoaka filohan’ny Filankevitra monisipaly sy ny birao miaraka aminy no nanokatra ny fotoana. Nanatrika ny fanokafana ofisialy ny Ben’ny tanana Lalao Ravalomanana sy ny mpiara-miasa akaiky aminy. Nirary soa ho an’ny mpanolotsaina rehetra ny ben’ny tanàna. "Ny mahasoa ny mponina aloha no mila banjinina fa avela ny adilahy, ny fampandrosoana ny Renivohitra no tokony himasoana" hoy ny Ben'ny tanana.


  • 19 Apr. 2017 - 12:49-

    Evolis à la conquête du marché malagasy. La société Evolis spécialisée dans la fabrication des cartes organise trois jours pour découvrir ses produits à l’hôtel Colbert. Selon le représentant de la société partenaire de Evolis des solutions complètes pour l’identification et la personnalisation de badges et cartes plastiques sont proposées tant à une petite société qu’à des grosses sociétés avec plusieurs milliers d’employés mais aussi pour les écoles. L’impression va du simple badge à des badges sécurisés. Evolis a ainsi imprimé les cartes d’électeurs en Tanzanie. La Commission électorale nationale (NEC) en Tanzanie a décidé de mettre en place un système d’enregistrement biométrique décentralisé, couplé avec l’émission instantanée d’une carte d’électeur dans un format carte plastique.

  • 19 Apr. 2017 - 12:44-

    Le président de l'Asoimi a fait faux bond. Le président Abel Randriamiarinarivo a fait faux bond. Il est le président élu pour l'Asoimi lors de la première élection effectuée en début du mois de mars. Il avait prévu de faire une déclaration à la presse ce 19 avril. Les membres de l’Asoimi était bien au rendez-vous donné ce matin du 19 avril mais le président Abel Randriamiarinarivo s’est excusé. Aux dernières nouvelles des tractations se déroulent en haut lieu pour résoudre le problème de l’existence de ces deux associations pour encourager les fonctionnaires à faire du sport. On attend donc les révélations de l’un des deux responsables de ces deux associations.

  • 18 Apr. 2017 - 14:33-

    Asoimi a régularisé sa situation. Pour mémoire, le président sortant Abel Randriamiarinarivo a recueilli 63 voix sur les 171 votants contre 4 voix pour Oliva Randimbiarison lors de l’élection organisée par le comité électoral au début du mois de mars 2017. On sait que le président Abel Randriamiarinarivo a effectué la régularisation du renouvellement des membres du bureau de l’Asoimi et le changement du siège de l’association. Cette régularisation a été effectuée le 23 mars 2017 auprès du Ministère de l’Intérieur et de la décentralisation soit au lendemain de la deuxième élection pour élire le président de l’Asoimi. Une façon pour Abel Randriamiarinarivo de refuser les résultats de la deuxième élection. Il apportera des précisions ce 19 avril.

  • 17 Apr. 2017 - 08:57-

    Judo malgache. Malgré des mois de préparation à l'ANS Ampefiloha, nos judoka n'ont obtenu aucune médaille en combat individuel ni en équipe. Mais au moins les malgaches sont à la treizième place avec 4 judoka à la 5ème place et 5 autres à la 7ème position. Heureusement, ce n'était pas le cas en kata. Rabemasoandro Tarimy et Ratovona Rija ont obtenu la médaille d'or en nage-no-kata. On a aussi eu l'argent en katame-no-kata et en nage-no-kata. Ce sont les frères Trabelsi du Tunisie qui gagnent la médaille d'Or. Mais dommage, le soleil n'a pas brillé en kime-no-kata.

  • 17 Apr. 2017 - 08:50-

    African championships 2017. Pour la 38ème édtion du championnat d'Afrique de judo sénior (14, 15, 16 avril 2017), l'Algérie termine au premier rang. Tant en équipe qu'en individuel, ce pays domine. En compétition par équipe, ce pays est double médaillé d'or (homme et femme). Et avec 18 médailles dont 7 en or, 5 en argent et 6 en bronze, les autres pays sont loin derrière. Il est suivi par la Tunisie et l'Egypte se trouve sur podium. La représentante du Guinea-Bissau, CESAR Taciana, gagne pour la cinquième fois l'or au championnat d'Afrique.

  • 17 Apr. 2017 - 07:46-

    Joyeuses Pâques. Toute l'équipe de www.lakroa.mg vous souhaite Joyeuses Pâques. A la suite du Pape François nous vous disons : portez à tous la joie et l 'espérance du Christ ressuscité que vous avez reçu  en ce jour de Pâques. 

Du même auteur

monde
politique

Dans la même rubrique

politique
politique
Publicité