logo
Lakroan'i Madagasikara
Fanambaran'ny FEM

Ny Famindram-po no sitrako, fatsy ny sorona !

Nanangona i JRR il y a 3 années

Teo ampranana ny fivoriana fanaony dia nandefa hafatra ho an'ny kristianina katolika sy ny olona tsara sitra-po ny Fivondronamben'ny Eveka.

Ny Famindram-po no sitrako, fatsy ny sorona !

Fanambaran'ny Fivondronamben'ny Eveka et Madagasikara (FEM)

Ny Famindram-po no sitrako, fa tsy ny sorona !



Efa hisasaka ny tonontaona niainantsika ny Jobilin'ny Famindram-pon'ny Ray, nosokafana tamin'ny 8 desambra 2016 teo. Dimy volana no lasa, ary afaka fito volana eo dia hofaranana amin'ny fomba manokana, arak'izay efa nambara, amin'ny alahadin'i Kristy Mpanjaka, ny 20 novambra 2016.

Ny tontolom-piainantsika anefa milentika ao anatin'ny herisetran'ny fiarahamonina. Toy ny valala voatango ny vahoaka, tsy tanana hirangotra tsy tongotra hitsipaka. Zary fiainana andavanandro ny fanaovana an-keriny, ny halatra sy vono olona. Ny harem-pirenena mihitsy no fongotra, raha tsy hiteny afa-tsy ny fanondranana tsy ara-dalàna ny hazo sarobidy andramena na bolabola...

Tsy ny harena voajanahary fotsiny fa ny zo aman-kasina mihitsy no hosena ary amidy vola, fa ny tany nolovaina tamin'ny razana. Lainga sy halatra no migorobaka hatrany an-tampon'ny fitondrana any. Amidy vola hatramin'ny fiandrianam-pirenena, ka tsy arindra araka ny filan'ny firenena intsony hatramin'ny taranjam-panabeazana, fa izay hahitam-bola ihany, dia atao telim-botolo ny kolotsain'ny mpanam-bola.

Vokatr'izany, ny kolontsain'ny fiainana anaty fako (culture des déchets) sy lainga ary valifaty sy fahefan'ny be sandry. Tsy mihaino fitarainana intsony ny fitsarana ka mamboly toe-tsaina hirona any amin'ny fitsaram-bahoaka sy tontolon'ny Fanjakan'i Baroa. Na ny finoana aza, zary atao ho fiamboniana sy fametsifetsena na fandrendrehana ny marivo salosana fotsiny. Raha akapoka ho iray, dia lainga no amahanana ny vahoaka, noho ny fanompoana tafahoatra ny vola hatrany an-tampony.


Ho Apostolin'ny Famindram-po

Ao amin'ny rijanteniny momba ny endriky ny famindram-po, dia izao no lazain'ny Papa : « Iriko mafy ny handinihan'ny kristianina rehetra mandritra izao taon-jobily izao, ny asan'ny famindram-po ara-batana sy ara-panahy. Fomba iray hamohafohazana ny konsiansintsika izay tena matoritory manoloana ny fahantrana efa mihatra aman'aina manodidina antsika, sady mba hahafahantsika miditra ao amin'ny tena vontoatin'ny Vaovao Mahafaly. Ao no hahitantsika fa ny mahantra mihitsy no tena iantefan'ny Famindram6pon' Andriamanitra manokana. Tsy misy afa-tsy ny tena fiainana ny Famindram-po. Aiza ho aiza marina anefa no misy antsika : efa tena miaina ireo asan'ny famindram-po ireo toy ny apostoly ve isika sa aiza ho aiza, eo amin'ny fiainana an-davanandro, toy ny:

•          Manome hanina ny noana - Manolotra rano izay mangetaheta - Manafy lamba izay miboridana - Mampiantrano vahiny - Mamonjy ny marary- Mamangy ny voafonja -Mandevina ny maty


Fa indrindra koa:

•          Manoro hevitra ireo misalasala ka sahirana - Mampianatra ny tsy mahay - Manohintohina ny mpanota - Mampionona ny malahelo - Mamela ny hadisoana - Mandefitra manoloana ireo olona manorisory, ary - Mivavaka ho an'ny velona sy ny maty.»

Arakaraky ny androsoantsika lalindalina kokoa amin'ny maha apostolin'ny famindram-pon'Andriamanitra antsika tokoa no ahatsapana lafim-piainana maro tsy maintsy hibebahana, ary hatrany amin'ny lohany no tsy maintsy hiova ho fanahy vaovao. Ho tohin'izany indrindra ihany koa no namoahan'ny Papa Fransoa ny taratasy fanentanana lehibe, vokatry ny Sinaodin'ny Fianakaviana? natao tamin'ny volana oktobra iny, ka nomeny ny lohateny hoe : « Amoris Laetitia » (Ny Hafalian’ny Fitiavana).

Mampivoitra be dia be ny tsy maintsy hanandratana ny fiainam-pianakaviana, manomboka amin'ny fifankatiavan'ny mpivady, sy ny fifanoavan'ny ankohonana ny hafalian'ny fitiavana. Ezaka isan'andro ombam-pahasoavana; andraisana anjara amin'ny hazofijaliana aza, satria fiainam-pitiavana. Mampahatsiahy ny fiainan-dry Jacques Berthieu sy Botovasoa samy maritirin'ny finoana sy fitiavana. Mila mpampihavana sy olomarina maro ny firenentsika. Tsy ny fanaovana sorona ny vahoaka amam-pirenena, potipotehina ho vola hampiadana olom-bitsy no tanjona, fa ny fampijoroana ny marina no hampiadana. Mirongatra izay tsy izy koa any ny halatra lakolosy, hatao vola sa hanakanana ny olona tsy handre ny antso hivavaka intsony; fa dia ahoana loatra; iza no ao am-badika?

Ny hery lehibe mitondra antsika any amin'ny tena fahamarinana sy fiadanana dia ilay Fitia. Tantanana sy ampianarina izany aina izany ka eo no mifamonjy ny atrikasa pastoraly samihafa. Mitana toerana lehibe ny fitaizana sy fanabeazana ny zaza ka omban'ny fanentanan'ny Papa torolalana maro. Misy ny fahombiazana, fa eo koa ny lafiny marefo tsy maintsy atrehina am-pinoana sy herim-po, ary izany rehetra izany dia ny fiainam-panahy no toy ny hazondamosina ijoroany.

Ny zava-tsarotra samihafa, ao amin'ny tontolom-piainan'ny mpianakavy, tsy atao hampitolefika fa vao mainka aza mampioitra, ary mitaky fifanomezan-tanana sy fanamby maro; indrindra eo amin'ny fahasarotan'ny fanabeazana amin'izao fanatontoloana izao. Ampianarin'ny Papa Raiamandrenintsika fa fiantsoan'Andriamanitra ny fianakaviana, ka itodihana sy ibanjinana be dia be amin'i Jesoa Kristy Tompontsika.


Fahasoavan-dehibe ary

Fa mampibanjina be dia be ny tontolom-piainantsika andavanandro ny fanentanan'ny Ray amandRenintsika, tsy ho kivin'ny sarotra fa hijoro am-pinoana. Tsy hanao tanisa tohivakana ny tsy mety efa tanisain'ny haino aman-jery ampy tsara isika, fa manentana ny finoana sy fanantenana ao am-pontsika kosa. Izao no tononandro tsy maintsy ijoroana amin'ny tena fitsanganan-ko velona. Tsy lavitra fa akaikintsika indrindra koa ny Mpanompon'Andriamanitra Lucien Botovasoa, maritirin'ny finoana sy ny fitiavana ny vady aman-janaka, ary misongadina tsikelikely ny fahasoavana entin'ny fibanjinana ny tantaram-piainany. Manentana manokana antsika tanora tsy ho sodokan'ny vola sahady ka hivarotra ny soa toavina sy ny fiainam-pinoana.

Miantso Famindra-po ny Papa; na dia ao anatin'ny kolompiainan'ny ady sy valifaty amin'ny endrika maro aza ny tontolo misy antsika eto Madagasikara sy amin'ny faritra maro eran-tany ankehitriny. lo ihany no lalana hahitana ny fiadanana. Manomboka amin'ny fiainam-pianakaviana izany. Eto no tianay hanokafana ny diantsika, miombona tsy mihalangalana amin'ny fianakaviana masina, ka eto am-pamaranana dia hiarahantsika manao ny vavaka aroson'ny Papa hataon'ny mpianakavy :

 

Jesoa, Maria Josefa.

Ao aminareo no ibanjinanay ny hakanton'ny tena fitiavana,

Mitodika aminareo amin'ny fo matoky tanteraka izahay.

Ry Fianakaviana Masina tao Nazareta,

Ny fianakavianay koa anie mba ho akany fiombonana

Sy ho toeram-pivavahana toy ny tao amin'ny senakla,

Ho tena sekoly ianarana ny Vaovao Mahafaly

Sy fiangonana kelin'ny mpianakavy.

Ry Fianakaviana Masina tao Nazareta,

Mba tsy hisy intsony amin'ny fianakaviana anie

Ny hetsika mampiasa herisetra,

Sy fiainana manirery ary ny fisaratsarahana ;

Izay voadona, maratra na tafintohina,

Dia mba alao alahelo sy tolory fahasitranana.

Ry Fianakaviana Masina tao Nazareta,

Ampio hahatsiaro tena izahay rehetra

Fa masina tsy azo hitsakitsahina ny fianakaviana,

Ary kanto aok'izany ny kendren'ny Tompo Andriamanitra hizorany.

Jesoa, Maria, Josefa,

Henoy ary ekeo vavaka izahay

Amen !


Dia mitso-drano antsika mianakavy handroso an-kasahiana amin'ny tena fiainana ny Famindram-pon'ny Ray isika, ka handray bebe kokoa ny fanomezan’ny Fanahy Masina tsy ho ela.

Anio 29 Avrily 2016,

Fetin'i Mb. Catherine tany Sienne.




Partager l'article:

Lakroa en direct
  • 23 Jul. 2019 - 14:50-

    Fanomezan-drà. Nanome rà maimaimpoana teny amin’ny HJRA Ampefiloha ireo polisy vaovao miisa 1098 tao amin’ny andiany “FENITRA”. Nitarika azy ireo ny minisitry ny filaminam-bahoaka, RAFANOMEZANTSOA Roger ary nanambara fa : “fanampiana sy ho vonjy aina ho an’ireo mpiray tanindrazana no nanaovana izao adidy izao satria izay manome rà dia mamonjy aina”.

  • 23 Jul. 2019 - 10:45-

    Eglise Catholique en Allemagne. D’après les dernières statistiques, 200 000 catholiques allemands ont quitté l’Église en 2018, contre 167 500 en 2017. Avec plus de 23 millions de membres, l’Église Catholique en Allemagne rassemble toujours 27 % de la population du pays soit plus d’un quart des allemands.

  • 22 Jul. 2019 - 14:37-

    Situation comique en foot au JIOI 2019. Pour la deuxième place du groupe A de ces JIOI 2019, dans le tournoi de football, un tirage au sort entre Madagascar et les Seychelles sera effectué, ce lundi soir, à 20h. Cela, pour savoir qui accédera à la demi-finale contre la Réunion et se jouera mercredi 24 juillet à 14h30. Ayant terminé avec un seul point à leur compteur tous les deux, les formations malgaches et seychelloises seront départagées par tirage au sort. Maurice est assurée de passer avec le nombre de but marqué (2).

  • 20 Jul. 2019 - 10:19-

    Ntsay Christian remplace Christian Ntsay. “Conformément aux dispositions de l’article 54 de la Constitution, est nommé Premier Ministre, Chef du Gouvernement : Monsieur NTSAY Christian” tel est le premier article du décret N°2019-1407, portant nomination du Premier Ministre, publié par la présidence de la République ce 19 juillet 2019. Le choix du premier ministre a été effectué sur la base des noms présentés par les députés majoritaires de l’IRD. Selon la "rumeur" Les trois noms présentés sont : Fienena Richarn Haja Resampa et Ntsay Christian. Il est donc reconduit (pour la deuxième fois) par le président Andry Rajoelina.

  • 19 Jul. 2019 - 08:45-

    JIOI 2019. Dans le cadre des Jeux des Îles, les Barea affrontent en premier les Seychelles. Le match se déroulera au stade Auguste Vollaire le 20 juillet à 14h15. Madagascar n’a pas perdu, lors des deux dernières rencontres entre les deux sélections, avec une victoire (0-1) le 11 juin 2016 et un match nul (1-1) le 29 mai 2018.

  • 18 Jul. 2019 - 14:15-

    USA. Le cardinal DiNardo interpelle Donald Trump sur les droits des migrants. «Il est contraire aux valeurs américaines et chrétiennes de chercher à empêcher aux personnes d’émigrer ici quand elles fuient pour sauver leurs vies et pour trouver une sécurité pour leurs familles», déclare le cardinal DiNardo.

  • 18 Jul. 2019 - 11:27-

    Birao maharitra AN. Vita ny fifidianana ny mpikambana ireo mandrafitra ny Birao maharitry ny Antenimieram-pirenena. Toy izao izany : Filohan’ny Antenimierampirenena : Razanamahasoa Christine Harijaona, Ambatofinandrahana (IRD). Filoha Lefitra Antananarivo : Rasolonjatovo Honoré, Faratsiho (IRD). Filoha Lefitra Antsiranana : Rahelihanta Jocelyne, Antsiranana I (IRD). Filoha Lefitra Fianarantsoa : Razafitsiandraofa Jean Brunelle, Ikongo (IRD). Filoha Lefitra Mahajanga : Rahantanirina Lalao, Mahajanga I (IRD). Filoha Lefitra Toamasina : Michelle Bavy Angelica, Fenérive Est (IRD). Filoha Lefitra Toliara : Rabenirina Jean Jacques, Betioky Atsimo (IRD).
    Questeur 1 : Henri Jean Michel, Ambovombe (IRD). Questeur 2 : Rakotomanga Lantoarivola Sedera, Antananarivo II (IRD). Questeur 3 : Rabenirina Maminiaina Solondraibe, Ambohidratrimo (TIM).
    Mpampakateny : Angèle Solange, Amboasary Atsimo (Mahaleotena). Mpampakateny lefitra : Rafenomanantsoa Tsirimaharo Ny Aina, Antananarivo III (IRD).

  • 17 Jul. 2019 - 09:30-

    Mercato-Jeremy Morel. En fin de contrat avec l'OL, l’international malgache Jeremy Morel signe pour un an de contrat avec le Stade Rennais. « Je suis très enthousiaste et fier de rejoindre le Stade Rennais F.C. Je vais faire du mieux possible pour apporter mon expérience au club. J’avais plusieurs sollicitations mais sportivement je me voyais plus ici. J’espère avoir fait le bon choix. À moi de tout faire sur le terrain pour remercier le Président de sa confiance », a-t-il déclaré.  

  • 16 Jul. 2019 - 09:30-

    Désensablement. La piscine naturelle du Parc National Isalo est de nouveau ouverte à la baignade depuis le vendredi 12 juillet dernier. « La profondeur et la propreté de l’eau ont été testées par les agents de Madagascar National Parks afin de s’assurer que toutes les conditions requises pour la baignade durant la haute saison touristique 2019 soient au mieux », déclare Madagascar National Parks sur Facebook.

  • 15 Jul. 2019 - 14:30-

    Jeux des îles. A l’île Maurice, les sportifs venant des sept îles de l'océan Indien s'affronteront sur quatorze disciplines : athlétisme, badminton, le basketball, boxe, cyclisme, football, haltérophilie, judo, natation, tennis de table, voile, beach volley et volleyball. Pour cette édition, l’ouverture officielle se fera le 19 juillet et prendra fin le 28 juillet.

  • 15 Jul. 2019 - 13:00-

    FMF. Lova Ramisamanana ne pourra se présenter à la course pour être à la tête de la fédération malgache de football. Il l’évoque sur sa page Facebook ainsi, « j’ai le regret de vous annoncer que je ne pourrai pas me présenter à la présidence de la fédération malagasy de football, faute de n’avoir pu réunir les 3 cautions requises. Nous nous sommes battus jusqu’au bout mais nous n’avons pu faire face à certains obstacles. »

  • 15 Jul. 2019 - 08:30-

    CAN 2019. Suite à leur victoire respective contre la Tunisie et le Nigéria, le Sénégal et l’Algérie disputeront la finale de cette édition de la Coupe d’Afrique des Nations. Pour rappel, les Fennecs ont battu ces Lions de la teranga lors de la phase de poule sur le score de 1-0 avec le but de Youcef Belaili.

  • 11 Jul. 2019 - 06:30-

    Fandaminana. Handamina ny polisim-pirenena ho an’ny alakamisy alina araka ny resadresaka tamin’ny mpanao gazety nataon’ireo tompon’andraikitra ao amin’ny Polisim-pirenena. Nanome ireo toromarika manodidina ny filaminana mandritra ny fijerena baolina kitra amin’izao Can izao izy ireo. Maro ny polisy hiasa amin’io alin’ny alakamisy io raha ny nambaran’ireto tompon’andraikitra ao amin’ny polisim-pirenena ireto.

  • 09 Jul. 2019 - 13:30-

    Supporter les Barea. L’inscription est ouverte pour aller supporter les Barea en Egypte pour leur quart de finale contre la Tunisie. Les billets sont disponibles auprès de l’Air Madagascar à Analakely. Adressez-vous à la même agence pour plus d’infos.

  • 06 Jul. 2019 - 13:00-

    Pape François – Poutine. Le président russe Vladimir Poutine a rencontré le pape François au Vatican le 4 juillet pour une discussion privée de 55 minutes. Le pape François et Poutine ont discuté de questions d'actualité en Syrie, en Ukraine et au Venezuela, ainsi que de questions environnementales et de questions concernant l'Eglise catholique en Russie, selon le bureau de presse du Saint-Siège.

  • 05 Jul. 2019 - 11:00-

    CAN 2019. La CAF a rejeté les plaintes contre la RDC pour match truqué. Suite à l’insuffisance de preuve réelle, les accusations de corruption de la fédération zimbabwéenne de football vis-à-vis de leur gardien de but ont été rejeté. De ce fait, le match entre Madagascar et la RDC dans le cadre des huitièmes de finale aura bel et bien lieu dimanche prochain.

  • 05 Jul. 2019 - 08:30-

    Wi-fi gratuit. Le mercredi 10 juillet prochain, le wi-fi gratuit sera disponible à Antananarivo. Il sera possible de se connecter librement, sur quatre zones incontournables de la capitale comme au jardin Antaninarenina, à l’arrêt bus Ambohijatovo, au jardin Antanimena et au pont de Behoririka.

  • 04 Jul. 2019 - 10:30-

    Nicolas Dupuis. Selon Jeune Afrique, Nicolas Dupuis est 31ème dans le classement des entraîneurs les mieux payés en Afrique. Il perçoit 7000€ par mois, selon les chiffres publiés par le média. Le sélectionneur de l’Egypte, Javier Aguirre, est le coach le mieux rémunéré sur le continent avec un salaire mensuel de 108 000 euros.

  • 03 Jul. 2019 - 15:15-

    CAN 2019. Anicet Andrianantenaina et Carolus Andriamanitsinoro intègrent l’équipe type de la phase de poule de cette Coupe d’Afrique des Nations. Pour rappel, Anicet était l’homme du match pendant la rencontre face à la Guinée. Carolus l’était à son tour pendant le match contre le Nigéria.

  • 03 Jul. 2019 - 14:30-

    FIER-Mada. Tanterahana ny alarobia 7 hatramin’ny 11 aogositra ho avy izao ny FIER-Mada faha 21, ao amin’ny kianja Makis Andohatapenaka. Amin’izany dia hisy ny lao-bary an-dasy hiompana amin’ny « fandrosoana maharitra : tetik’asam-panjakana vatsiana vola amin’ny voajanahary sy ifampierana amin’ny tantsaha eny ifotony ».

Du même auteur

economie
societe

Dans la même rubrique

societe
societe
Publicité