logo
Lakroan'i Madagasikara
Kabary

Asaramanitra Iavoloha 6 janoray 2017

admin il y a 2 années

Mpandahateny maro no nifandimby teny Iavoloha ny 6 janoray 2017 teo. Nandrasana fatratra ny kabarin'ny Filoham-pirenena ka toa izao izany lahateny izany araka ny fampitana nataon'ny Sampana seraseran'ny prezidansa

Asaramanitra Iavoloha 6 janoray 2017

Kabary asaramanitra

Lapan’Iavoloha – 6 janoary 2017

 

Mesdames et Messieurs,

Ry vahoaka Malagasy,

Tompokolahy sy Tompokovavy,

 

Fifaliana sy voninahitra lehibe ho anay mivady ny mampiantrano anareo eto amin’ity Lapam-panjakana ity amin’izao Asaramanitra ankalazantsika ny taom-baovao izao.

 

Ianareo vory eto izao dia vovonana iadian’ny lohany ka mahasolotena ny vahoaka malagasy amin’ny lafy valon’ny Nosy sy avy amin’izao tontolo mihitsy aza, izay miara-miasa amin’i Madagasikara.

Ny teny izay ho entina eto kosa dia miantefa amin’ny malagasy tsivakivolo satria miampita mivantana amin’ny fitaovan-tserasera rehetra izany.

 

Koa mitsidika anareo isan-tokantrano izahay, mitsidika anareo isan-tokonana izahay. Ary miarahaba anareo vahoaka Malagasy mieli-patrana eran-tany koa.

 

Miarahaba anareo rehetra tratry izao taom-baovao 2017 izao, izay hirintsika ho taona miavaka dia miavaka noho ny soa be antenaintsika ho tovozina aminy.

 

Herintaona lasa izay, teto amin’ity toerana ity, tamin’ny lanonana toa izao, dia nisy andian’ankizy sy tanora marobe niditra teto tanaty hafaliana sy fahavitrihina, nilanja sainam-pirenena amam-polony maro. Sainan’ny COMESA sy ny OIF no nahofahofany teto, anambarana fa taona andraisantsika am-pahamendrehana ny fihaonana antampony iraisam-pirenena ny taona 2016.

 

Mino aho fa tsaroanareo ireny. Dia tsaroanareo koa anefa fa nandritra ny volana maro tamin’iny taon-dasa iny dia tsy aki-janonana ny fandrabirabiana, ny fanakiviana, ny fivohizana hevitra nandemy ny saim-bahoaka sy hampivalaketraka mihitsy aza ny vahoaka Malagasy toy ny hoe : tsy hisy izany frankôfonia izany, ho afindra atsy amin’ny firenena atsy hono, ho afindra ary amin’ny firenena ary hono fa tsy tafavoaka isika Malagasy, ary raha mikiry biby aza dia hitafy henatra tsy roa aman-tany i Madagasikara…

Ianareo vavolombelona nahita sy nandre ny zava-nisy.

 

Tsy izany no nitranga. Tontosantsika an-tsakany sy andavany, araka izay voalazan’ireo mpandahateny nialoha ahy teo, ny fihaonana rehetra. Tsy nampitsanga-menatra fa nahazahoam-piderana iraisam-pirenena aza, ireo Fihaonana an-tampony ireo. Tafaverina tanteraka ny hasina maha Firenena antsika, azo itokisana an’i Madagasikara ary nihatsara ny fomba fiheverana ny Malagasy sy I Madagasikara

maneran-tany. Nasehontsika mpiray tanindrazana fa matoky ny tenantsika isika Malagasy, ary matoky ny mpitondra nitarika anareo koa ianareo.

Misaotra sy mankasitraka anao aho ry vahoaka Malagasy, fa naneho fahendrena ianao, nanandratra avo ny fanilon’ny fitiavan-tanindrazana ianao, naneho ny ambompon’ny olom-pirenena ianao tamin’ireny rehetra ireny. Tiako ho fantatrao koa fa tsapan’ny Filoham-pirenena ny tohana sy ny toky avy amin’ny vahoaka Malagasy manerana ny nosy sy ny any ivelany, ka namporisika azy tsy hijery afa-tsy ny tombotsoam-pirenena ihany ary tsy ho kivy amin’ny asa fampandrosoana ny firenena.

Misaotra ny vahoaka Malagasy ihany koa aho satria tsy nanaiky horebirebena izy fa nahay nanavaka, satria ny fanosehantsika ireny dia efa fandraisanao anjara sahady ho amin’ny fampandrosoana ny firenena.

Rehefa dinihina mantsy dia azo lazaina fa mizara telo ny sokajim-pisainana misy eto amintsika :

 

• Ao ireo izay fatra-pitsikerabe fahatany ;

• Ao kosa ireo andiany faha-roa izay mandinika, miandry fotoana izay hirosoana alohan’ny tena andraisana fanapahan-kevitra;

• Ao kosa ireo resy lahatra fa Firenena efa latsaka an-kady no noraisina an-tànana, arenina, ka homena ny anjara fisandràtany. Sokajin’olona tia ny fireneny, tsy te-hitsikera be fahatany fotsiny ka am-pitiavana tanteraka no hanomezany tànana hampandroso an’I Madagasikara.

 

Soa ihany fa ny maro an’isa amin’ny malagasy, no anatin’io sokajin’olona fahatelo io. Ary izany no manazava ny fahombiazantsika nanoloana ireo fanamby lehibe tamin’iny taona lasa iny sy ny ho avy rehetra.

 

Izany fahombiazana izany no porofo fa rehefa te hanao isika Malagasy, n’inon’inona fahasahiranana mbola atrehina, dia mahavita, ary mahavita tsara ny Malagasy Tompokolahy sy Tompokovavy.

Amintsika indraindray no mbola mety miroaroa saina aza fa ny fianakaviam-be iraisam-pirenena dia efa naneho ny fankasitrahany antsika.

 

Efa fambara ireny taona nolalovantsika vitsivitsy ireny fa miverina ny fifampitokisana, ary vao maika nohamafisin’ny fivoriana tany Frantsa niaraka tamin’ireo mpamatsy vola izany.

Araka ny efa fantatsika dia vola eo amin’ny 10 miliara dolara, avo roa heny noho izay novinavinaina, no azo tamin’ireny hanatanterahana ny Paikady hampandrosoana ny Firenena.

 

Manana anjara betsaka ao anatin’io ny mpandraharaha amin’ny sehatra tsy miankina, na eto amintsika izany na avy any ivelany, ka ho ampiasaina hanabeazam-boa ny fiharian-karena malagasy.

 

Inona no antony manazava izany ? Inona no antony manazava izany fahombiazana izany ?

• Voalohany : misy ny tahirin-kevitry ny PND, Paikadim-pirenena eo amin’ny Fampandrosoana, izay nokirakirain’ny mpamatsy sy mpampiasa vola ireo, azony antoka izany, mazava taminy ny vina ho amin’ny fampandrosoana sy amin’ny fampisandratana an’i Madagasikara. Antony voalohany io, nilaina, fa tsy izay irery no antony.

• Ny antony faharoa dia izao : nisy ny dingana efa nataontsika, nisy ny ezaka izay efa natao na dia tsy mba be mpiresaka aza izany, dingana ho amin’ny fanatsaram-pitantanana ankapobeny, indrindra teo amin’ny fitantanam-bola.

• Antony fahatelo : araka ny filazan’ny solontenan’ny mpamatsy vola iray dia izao vao tena miara-manaiky ry zareo fa feno ny fepetra rehetra ary tonga ny fotoana ampanjariana ho vokatra ny harenan’i Madagasikara sy ny fahavononan’ny malagasy mba hialan’ny vahoaka amin’ny fahasahiranana sy fahantrana.

 

Tonga tokoa ny fotoana Tompoko :

Ka « Faly sahirana toa ny akohokely notsipazam-potsimbary » ve isika ? Sa « Tena masa-bary mainty kitoza, ka ny tianao no tiako ? »

 

Tompokolahy sy tompokovavy,

Raha nilaza sy namaritra ary nanome toromarika aho fa hoe taonan’ny asa ny taona 2016, t@ herintaona tahaka izao, dia niasa tokoa isika ary iarahantsika rehetra mahita ny vokatra. Fotodrafitr’asa maro, arak any voalazan’Andriamatoa Praiministra teo, no vita manerana ny nosy, na eo @ fanabeazana sy ny fahasalamam-bahoaka izany, na eo @ lafiny ara-toe-karena. Fotodrafitrasa fototra no fotokevitra nanatanterahana ireny, raha tsy hiresaka afa-tsy ny toho-drano, izay amafisiko eto izay efa voalaza teo, toho-drano maro izay mamelona indray tanimbary aman’aliny Ha maro manerana ny nosy. Raha @ sehatry ny fizahan-tany koa ohatra no ambara dia nitombo 20 % ny isan’ny mpizahan-tany t@ 2016 raha oharina amin’ny taona mialoha an’izany.

Mikatsaka ny fihatsaram-piainana isan’ankohonana isika. Ny fototra iaingan’izany dia ny fihatsaran’ny fiharian-karena manontolo avy any ambanivohitra mankaty an-tanan-dehibe, avy any an-dranomasina ka mankaty anivon-tany.

 

Tsy andraikitry ny fitondrana loatra intsony ny manangana orinasa fa andraikitry ny mpandraharaha tsy miankina izany. Ny andraikitry ny fitondram-panjakana dia ny manatsàra ny tontolon’ny fiharian-karena sy ny fitsinjarana ara-drariny sy hitsiny ny harin-karem-pirenena. Ezaka efa natomboka sy mbola ho tohizana sy hamafisina izany, fa raha tsy natomboka, efa nihemotra ireo mpampiasa vola tsy miankina ireo.

 

Tsy vitan’izay, fa hanampy ny sehatra tsy miankina ihany koa ny mpamatsy vola iraisam-pirenena. Ao ny Banky iraisam-pirenena, ao ny Vondrona Eropeana, ao ny Banky Afrikana ho amin’ny Fampandrosoana.

 

Hafainganintsika ny fampijoroana ireo antsoina hoe Zone Economiques Spéciales (any Tolagnaro sy Antsiranana) izay fanoitra lehibe eo amin’ny fampivelarana aingana ny fiharian-karena. Hiteraka asa maro manerana an’i Madagasikara izany, ary ny tanora no tena hisitraka manokana sy voalohany an’izany. Ka ho asa miteraka fahamendrehana ho an’ny isam-batan’olona, fidiram-bola sy fihatsaram-piainana ho an’ny ankohonana, ary hiteraka fidiram-bola ihany koa ho an’ny Fitondram-panjakana.

 

Asiana tsindrim-peo manokana ny mahakasika ny angovo. Satria mahita isika fa misy ny fahasahiranana mbola atrehina amin’io lafiny io isika, raha tsy hiresaka afa-tsy ny delestazy fotsiny isika. Mazava anefa ny politikantsika eo amin’ny angovo ankehitriny, ary efa misy ny vava asa misokatra sy nanomboka ary tohizany momba izany. Ao anatin’izany indrindra ny fanampiana ireo tohodrano lehibe hamokarana herinaratra ampian’ireo fotodrafitr’asa, indrindra indrindra ireo mandeha @ herin’ny masoandro.

 

Tsy sanatria ka hanao dridran’Ingilo aho fa ny marina dia marina hatrany. Mizaka ny vokatry ny vina tsy dia nahataka-davitra loatra tamin’io lafiny io isika hatramin’izay, nefa teo ny masoandro, teo ny rivotra, teo ny renirano. Angamba vokatry ny korontana ara-politika ka nanjary tandra-vadikoditry ny Tantarantsika koa, ka tsy nahafahan’ireo nitondra tany aloha mampitozo ny ezaka izay tokony ho natao.

Ireo mpamatsy vola iraisam-pirenena dia samy hitondra ny anjara birikiny, na eo amin’ny sehatry ny angovo izany, na eo amin’ny sehatra maro samihafa, ankoatra ireo izay efa ho entin’ireo mpandarahara tsy miankina.

 

Ny vondrona eropeana miaraka @ banky eropeana momba ny fampandrosoana dia hamatsy vola manokana ny fanamboaran-dàlana maro eto Madagasikara, izay hanomboka @ ity taona 2017 ity (ao ny any avaratra, ao ny any atsimo, ao ny eto afovoantany). Ary marihiko manokana ny fanamby izay efa nataoko taminareo ary mbola averiko eto, ary ny làlana Ambilobe-Vohémar dia tafiditra amin’izany Tompokolahy sy Tompokovavy.

 

Etsy andanin’izany koa anefa ireo fotodrafitrasa maro samihafa hanitarana seranam-piaramanidina, sy seranan-tsambo (ao anatin’izany I Toamasina sy i Toliara).

 

Tompokolahy sy tompokovavy,

ry vahoaka Malagasy,

 

Ny fametrahana fotodrafitrasa lehibe dia tsy vita indray andro, fa aman-taonany, ka raha isan-taona izao anefa isika dia ifanakorontana amin’ny ady lahy politika, dia mazava izany, fa ny fisandratan’ny Firenena sy ny fihatsaram-piainan’ny vahoaka Malagasy mihitsy no voasakana. Andraikitry ny fitondram-panjakana sy isika rehetra mifanome Tanana no miaro ny fisandratan’ny Firenena sy ny fihatsaram-piainan’ny vakoaka malagasy.

 

Tompokolahy sy Tompokovavy,

Santionany amin’izay misongadina indrindra amin’ny sehatra ho vatsiana vola ireo noresahiko ireo. Tsy vinavina fotsiny ireo. Hafa ny vinavina. Fa hafa ny vina miaraka amin’ny enti-manana. Teny samihafa izany. Efa natomboka ny asa tamin’iny taona lasa iny. Tohizana, atevenina, @ afainganam-pandeha mafimafy kokoa, izany no fanambintsika. Asa be no miandry antsika, asa aingana, asa tsara, asa madio, asa mirindra, fahasahiana manazava amin’ny vahoaka, fahasahiana manapa-kevitra koa anefa satria ilaina izany.

 

Eto aho dia te-hiteny aminao ry vahoaka Malagasy. Kolokoloy ireo voa izay nafafintsika eo @ tanimbolin’ny fampandrosoana. Misy ny ahidratsy maniry eny an-tsefatsefany eny. Misy ny mamafafy azy mihitsy aza hamotika ireo vokatra nikelezantsika aina. Tsy hataontsika ho sakana ireny, aoka tsy ho ataontsika ho sakana ireny fa hifanolo-tànana isika ka tsy hamela ny ahi-dratsy hanimba ny voly izay efa nafafintsika sy nokarakaraintsika.

 

Izany no andrasan’ny vahoaka malagasy amintsika isan’ambaratongam-pahefana ary ho tanterahantsika. Izany dia hanamafy ny maha toko telo mahamasa-nahandro hatrany ny fitondrana, sy ny mpandraharaha ary ny mpiara- miombon’antoka iraisam-pirenena. Ho sehatr’asa tsy mijanona, ho sehatr’asa ranolava i Madagasikara.

 

Ary tiako ny milaza aminao fa teo amin’ny tantaran’ity firenena ity, ary am-panetrahantena no ilazana izany, dia tsy mbola nisy fotoana naha vori-lanina ny fepetram-pahombiazana toa izao misy izao.

 

Fambara mazava ireo fa eo an-tokonan’ny fisandratana feno ny Firenentsika ankehitriny. Mby an-tanantsika ny ilaina mba ampisy fihatsaram-piainana ho an’ny malagasy manerana ity Nosy malalantsika ity. Saingy izao !

Misy fanapaha-kevitra tsy maintsy raisina mba ifanitsy amin’izany fotokevitra ijoroana izany izay ataontsika.

 

Ny fampiasana ny volam-panjakana, ohatra, dia tsy maintsy mikatsaka an’izay tena hitondrana fanamaivanam-pahasahiranana eo amin’ny fiainam-bahoaka tokoa. Misy fasahiana tsy maintsy aseho. Tafiditra ao anatin’izany ny fampiarana ny vérité des prix eo amin’ny vidin’ny solika, izay miankina @ ny vidin’ny solika eo @ tsena iraisam-pirenena. Misy kosa anefa, ary tena misy, ny politika izay napetrantsika hitsinjovana ny sarababem-bahoaka mampiasa ny fitateram-bahoaka raha tahini ka misy ny fisondrotry ny vidin’izany solika izany.

 

Eo ihany koa ny fanampiana (na subvention) tsy toko tsy foroana (tafakatra hatrany amin’ny 300 miliara ariary ny taona iray) izay arotsaky ny Fanjakana amin’ny Jirama anentsemana ny faty antoka lava reny, nefa 14% ny vahoaka Malagasy ihany no msitraka izany. Raha hatambatra, ohatra, ireny fanampiana izay nentina ireny dia sahiko ny milaza aminao fa efa nahavitantsika làlana maro manerana ny nosy, izay tsy nilantsika izany vola fanampiana na findramam-bola avy any ivelany akory.

Tsy maintsy mitondra vahaolana amin’izany isika.

 

Tahaka ny maso voan-tsakay isika, ohatra, eo amin’ny fahasimban’ny tontolo voajanahary ary manomboka enjana ny fiantraikany amin’ny fotodrafitrasa iankinan’ny aim-pirenena. Ohatra amin’izany, vao notsidiako farany teo, ny fahavoazana ao Andekaleka nefa mihatra amin’ny faritra maro samihafa izany noho ny sahan-driaka izay ngazana, lasa ngazana manodidina azy, potiky ny tavy, potiky ny dorotanety, potiky ny fitrandrahana tsy ara-drariny ny harena ao ankibon’ny tany. Mila fanaraha-maso sy fandraisana fepetra hentitra izany.

 

Koa antsoina isika rehetra, antsoina ianao hiaro ny tontolo izay iainanao sy iainantsika. Aoka hifanentana isika rehetra. Aoka hampiarina ny lalàna. Eto aho dia manambara amintsika fa manomboka anio dia apetraka ny “Dinam-pirenena iadiana amin’ny toetr’andro ho amin’ny fampandrosoana mirindra sy maharitra”.

 

Ka ny voakasiky izany voalohany dia ny “Kaominina”, ny Kaominina no ho mpiantsehatra voalohany amin’izany ka hisy famporisihina manokana ho an’ireo kaominina izay vonona sy hita fa miroso amin’ireo fandaharan’asa izay ho faritana amin’izany (ao anatiny ny Fambolen-kazo, ao anatiny ny fiarovana ny ala, ao anatiny ny fiarovana amin’ny doron-tanety sns…)

Hisy fandaharan’asa samihafa izany izay ataon’ny ministera any amin’ireo kaominina izay mahazo famporisihina.

 

Tompokolahy sy tompokovavy,

• Ny Fisandratana Mirindra izay imasoantsika ho an’ny Firenena sy ny malagasy tsivakivolo dia mitaky enti-manana. Efa eo ny enti-manana. Mitaky asa be sy fandraisan’andraikitra isan’ambaratonga ka tandremonareo, tandremonareo manam-pahefana andraindrain’ny olona any rehetra any fa « Tsy mety, hoy ny fitenenana, raha manantena rahalahy mahay mandrafitra ka mitondra ny hazo meloka hatrany an’ala » ary « Aza manao toa ny tandindona, miaraka ihany fa tsy namana ».

• Tandremonareo ao anatin’ny ambaratonga samihafa, ato anatin’ny Fitondram-panjakana, tandremo mba tsy hanao mpamosasy malemy, ka manaratsy endrika ny fitondrana sy ny mpitondra.

• Ilaintsika koa ny Fisandratana ara-kolontsaina. Samy manaiky isika fa ireo savorovoro lava reny, vokatry ny sangy politika mihoatra ny loha dia mikendry hanozongozona ny fisainantsika eo amin’ny fiaraha-monina. Eo amin’ny andavan’andro fotsiny dia efa azontsika arenina tsikelikely ny lesoka ary ho hitantsika fa hirindra kokoa ny atao rehetra. Miainga @ fanovana ny toe-tsaina izany, miainga @ fifampitaizana ho olom-pirenena vanona izany, izay atao eo @ isam-batan’olona sy tokony ataon’ny malagasy isan-tokantrano. Ataovy filamatra ry vahoaka Malagasy ny Mifanaja fa tsy mifanebaka, ny Mifameno fa tsy mifanavaka, ny Mifamelona fa tsy mifamono, ny Mifanoro fa tsy mifanilika, ny Mifanitsy fa tsy mifamitaka, ny Mifanampy fa tsy mifamingana, Mifanondrotra fa tsy mifanitsaka, araka ilay ohabolana manao hoe « Mifandamina toa ny vero an-tahala : ny lava tsy hanosihosy ny fohy, ny fohy tsy hamingana ny lava » Tompokolahy sy Tompokovavy.

• Mila fisandratana koa; ary tena ilaina mihitsy, ny tontolon’ny politika eto amintsika. Aza zatra ny andro ririnina ka fahavaratra avy mbola manao hitsin-dalana ». Ekena fa tsy afaka misaraka amin’ny fiainana repoblikana manamasaka ny demokrasia ny adihevitra politika, ary ny tanjon’izany dia ny handresy lahatra ny vahoaka ho namana, itondrany ny tena eo amin’ny fahefam-pitondrana, amin’ny alalan’ny fifidianana, raha resy lahatra ny vahoaka fa ny tolotra avy aminao no mety sy mahasoa. Betsaka no azo atolotra ny vahoaka ivelan’ny fanaratsiana, ivelan’ny fifaminganana, ivelan’ny fanelezana tsaho sy lainga marivo-tototra, izany no mba tiako ho lazaina aminao ry namana mpanao politika malagasy. Aoka tsy « Mirehareha toa voron-tsy fihinana » ka « Eo imaso be henatra, vao takona be fosafosa ». Aoka hifanolo-tànana, aoka hiara-mibanjina ny tena tombotsoam-pirenena. Im-betsaka aho no mamerina an’izany, fa misokatra ho amintsika ny varavarana ao anatin’ny fampihavanam-pirenena, entina hampandrosoana ity firenentsika ity.

 

Indramako ny fahendren-drazana izay manao hoe : « Aza mandrehitra afo hanetroka ny tena » , “aza mandrora mitsilany”, « Ny toko no tsy atao maranitra hono, tsy te ahita vilany vaky ».

 

Tompokolahy sy tompokovavy,

Ry vahoaka Malagasy mpiray tanindrazana,

Ny vanim-potoana toa izao dia fandraisana fanapaha-kevitra sasantsany koa dia ambarako fa ho asondrotra 7% ny karaman’ny mpiasam-panjakàna.

Eo ihany koa ny didy fanalefahana sazy sy fanenan-tsazy ataon’ny Filoham-pirenena @ vaninandro toy izao.

 

Mbola ho tohizana ihany koa, araka ny fangatahana nataon’ny mpitondra teny teo, ho tohizantsika manditra ny enim-bolana ny tsy fandoavana hetra @ famindrana lova.

 

Araka izay voalazako rehetra teo, dia andraikitra, adidy lehibe manoloana ny Firenena no irosoantsika izao ho amin’izany Fisandratana, Fisandratana Mirindra sy Arindrantsika izany. Tsy mora fa laitry ny zoto satria « Ny lohasaha tsy ilaozam-pidinana, ny tendrombohitra tsy ilaozam-piakarana ». Isika anefa « Tsy valala kely andiany ka ataho-papango, fa akanga maro tsy vakin’amboa, mitabe tsy lanin’ny mamba » ka ny asa rehetra izay irosoana dia ataontsika toa ny « Tamboho fararano, ka indray mientana ihany ».

 

Mirary ny soa sy ny mamy indrindra ho antsika rehetra isam-baravarana manerana ny Nosy, sy ho an’ny Malagasy mielim-patrana manerana izao tontolo izao. Enga anie ka hanandrify antsika ilay fitenenana hoe « Fanangan-kena, midina mahazo ny tratrany, miakatra mahazo ny trafony ».

Dia samia ho tahian’Andriamanitra tompoko.

Partager l'article:

Lakroa en direct
  • 14 Sep. 2018 - 08:38-

    Poulet de chair à Madagasikara. Pour Olivier Fanchette, de Innodis Poultry, il y a encore de la marge pour produire du poulet de chair à Madagasikara. “C’est pour cette raison que nous participons à la Foire Internationale d’Agriculture”. Innodis Poultry est l’un des plus grands producteurs de poulet de l’île Maurice. Selon Fanchette, cette société exporte vers Madagasikara du poulet de chair avec garantie sanitaire sans antibiotiques. De son côté Iqbal Mohungoo, de la société Meaders Feeds, assure l’alimentation des poulets de chair, une alimentation répondant aux besoins d’une clientèle autant présente sur le marché local que régional dont Madagasikara.

  • 13 Sep. 2018 - 07:45-

    Colloque sur l’énergie. Lors d’une rencontre avec la présse Andry Ramaroson a fait savoir que le Groupement Des Professionnels de l’Energie à Madagascar GDPEM organise un colloque en entrée libre qui se tiendra au 3A Andrefanambohijanahary durant 2 jours ou 4 demi-journées avec comme thème “Energie, 1er levier de la croissance économique de Madagascar”. La première demi-journée (matin du 14 septembre) une conférence-débat sur l’économie d’énergie et l’après-midi sur le génie électrique. La troisième demi-journée (matin du 15 septembre) une conférence-débat sur le thème 1er levier économique de Madagascar. Et l’après-midi sera consacré à la restitution des travaux.

  • 10 Sep. 2018 - 07:28-

    Affaires courantes du Président. Pour la HCC, rentrent dans la catégorie juridique des attributions présidentielles courantes, les affaires constituant la poursuite normale d’une procédure régulièrement engagée avant la démission du Président de la République, toute affaire dont l’importance dépasse celle des affaires de gestion journalière si la procédure qui a donné lieu à l’acte règlementaire concerné a été engagée bien avant la période critique et a ensuite été réglée sans précipitation et si les questions politiques, qui ont pu se poser sur le plan administratif, ont été résolues avant cette période critique.

  • 10 Sep. 2018 - 07:28-

    Non affaires courantes du Président. Pour la HCC, ne rentrent pas dans les compétences attribuées au Chef de l’Etat ad intérim celles qui procèdent des articles 45 alinéa 3, 54 ; 55 -2°, 4° sauf en cas de faute grave ou de crime ou délit commis par le haut fonctionnaire, 5°, 6°, 7°, 8° ; 56 ; 57 alinéa premier ; 58 ; 59 alinéa 2 ; 60 ; 61 ; 103 ; 104 ; 107 ; 137 ; 162 ; 163. Il est habilité à exercer toutes les autres attributions confiées au Président de la République par la Constitution.

  • 01 Sep. 2018 - 09:48-

    Journée mondiale de prière pour la sauvegarde de la création 2018. Instituée en 2015 par le Pape François, quelques mois après la publication de son encyclique « Laudato si’, sur la sauvegarde de la maison commune », cette journée a lieu chaque 1er septembre, en communion de prière avec les Eglises orthodoxes, « pour offrir « à chacun des croyants et aux communautés la précieuse opportunité de renouveler leur adhésion personnelle à leur vocation de gardiens de la création, en rendant grâce à Dieu pour l’œuvre merveilleuse qu’Il a confiée à nos soins. » (Pape François, Lettre du Pape François pour l’institution de la « Journée mondiale de prière pour la sauvegarde de la création », 6 août 2015).

  • 01 Sep. 2018 - 07:56-

    Liste des personnes exerçant des hautes fonctions et hauts emplois civils et militaires de l’Etat, candidates aux élections, assujetties à l’obligation de démission prévue à l’article 6 alinéa 5 de la Loi organique relative au régime général des élections et des référendums. I – Les personnes nommées aux hautes fonctions et hauts emplois civils de l’Etat :   – Grand Chancelier de l’Ordre National malagasy ; – Ambassadeurs ou chefs titulaires de missions diplomatiques avant rang d’Ambassadeurs ; – Gouverneur de la Banque Centrale ; – Secrétaires généraux, Directeurs généraux et Directeurs de ministères ; – Présidents d’Universités ; – Représentants de l’Etat au niveau des collectivités territoriales décentralisées ; – Directeurs généraux, membres des organes d’administration ou de gestion des organismes rattachés aux Institutions et aux départements ministériels.

  • 01 Sep. 2018 - 07:55-

    Liste des personnes exerçant des hautes fonctions et hauts emplois civils et militaires de l’Etat, candidates aux élections, assujetties à l’obligation de démission prévue à l’article 6 alinéa 5 de la Loi organique relative au régime général des élections et des référendums. II – Les personnes dont la nomination aux hautes fonctions et hauts emplois militaires est faite par décret en Conseil des Ministres : – Officiers Généraux ; – Inspecteur général de l’Armée Malagasy; – Inspecteur général de la Gendarmerie Nationale ; – Chef de l’Etat-Major général de l’Armée Malagasy ; – Commandant de la Gendarmerie Nationale ; – Adjoints au chef de l’Etat-Major général de l’Armée Malagasy; – Adjoints au Commandant de la Gendarmerie Nationale ; – Commandant des Forces Aériennes ; – Commandant des Forces Navales ; – Commandant des Forces d’Intervention – Commandant des Forces de développement ; – Chef d’Etat-major du commandement de la Gendarmerie Nationale ; – Commandants des régions militaires; – Commandants des Circonscriptions inter-régionales de la Gendarmerie Nationale ; – Tous autres fonctions et hauts emplois militaires dont la nomination est faite par décret en Conseil des Ministres.

  • 24 Aug. 2018 - 00:29-

    Le couple présidentiel a reçu, ce matin du 22 Août 2018, l’Archevêque de Toulouse, Mgr Le Gall Robert au Palais d’Iavoloha, dont c’est la seconde visite à Madagascar. Les discussions ont porté sur les actions humanitaires de la diaconie catholique de France àa Madagascar « Nous avons été très heureux de cette rencontre qui honore notre mouvement sur la diaconiede la beauté, et comment la beauté sous toutes ses formes pourrait conduire à Dieu » a déclaré Mgr Le Gall, qui a notamment le diocèse de Lourdes sous sa responsabilité. La place et le rôle de la Grande Île au niveau de la Région Océan Indien et sur le plan international ont été aussi évoqués lors de la rencontre

  • 23 Aug. 2018 - 20:33-

    Ankolagny 6. Prospérer organisé pour la sixième fois sa foire économique Ankolagny. Elle se déroule du 24 au 26 août et elle est hébergée par la commune de Befandriana nord. Les organisationsateurs tablent sur la venue de plus de 2000 visiteurs pour visiter la centaine de stands révus avec comme produit phare les blacks eyes, la vannille et l'oignon.

  • 17 Aug. 2018 - 07:22-

    Kandida faha-13. Mamy Richard Radilophe no kandida faha-13 nanatitra ny antontan-taratasy firotsahana handray anjara amin’ny fifidianana izay ho Filohan’ny Repoblika. Tonga nanatitra ny ny faha-16 aogositra teo izy. Izy dia mpisolovava niaro ireo olona nenjehin'ny fitondrana HVM, toa an'i Fernand Cello, ny tao Soamahamanina, efa mpisolovava an'i Jean Louis Robinson ihany koa tamin'ny fifidianana filoham-pirenena ny taona 2013. Ny antoko Roso ho an’ny Demokrasia Sosialy (Renouveau pour la Démocratie Sociale) izay misy an’i Fetison Rakoto Andrianirina no nanolotra azy.

  • 16 Aug. 2018 - 08:46-

    JOB no kandida- faha 11. Jean Omer Beriziky na JOB, Praiminisitra, Lehiben'ny Governemanta teo aloha no kandidà faha 11 amin'ny laharan'ny fanaterana ny taratasy filatsahana ho fidiana Filohan'ny Repoblika ho tontosaina ny fihodinana voalohany ny 7 novambra 2018. Ny 15 aogositra tamin'ny 2 ora sy sasany tolak'andro izy no nanatitra izany taratasy izany teny amin'ny Fitsarana Avo momban'ny Lalàmpanorenana, Ambohidahy. Tonga teny ny tenany niaraka tamin’i Jean Félicien izay "mandataire". Ny Antoko politika "Antsika Madagasikara" no nanolotra azy.

  • 16 Aug. 2018 - 08:46-

    Kandidà faha-12 nametraka dosie. Richard Razafy Rakotofiringa no kandidà faha-12 nametraka ny dosien-ny teny amin’ny FAL, Fitsarana Avo momba ny Lalampanorenana na HCC. Izy dia miaramila teo aloha sady mpampianatra. Razafimalala Harimanana Tiana izay "mandataire" no nametraka ny antontaratasy ny 15 aogositra teo. Ny Antoko politika "Solidarité des jeunes intellectuels pour l'avenir de Madagascar" (SJIM) no manolotra azy amin’izao fifidianana filohan’ny Repoblika izao.

  • 14 Aug. 2018 - 13:29-

    CEPE 2018. Le nombre de candidats inscrits à l’examen du CEPE qui aura lieu ce mardi 14 aout 2018 est de 551.655. Ils seront répartis dans 13.638 salles des 1.833 centres d’examen de tout Madagascar. Parmi ces candidats inscrits, 17 malvoyants et 19 sourds-muets vont participer aux épreuves du CEPE dans les cinq provinces de Madagascar, à l’exception de Mahajanga. Pour la DREN SAVA on compte 39 315 candidats qui se répartissent dans 86 centres d’examen. Il est à rappeler que les sujets diffèrent suivant la région et le diplôme a une valeur nationale.

  • 14 Aug. 2018 - 06:59-

    CEPE sy Laharana maitso 020 30 807 86. Manomboka ny talata 14 Aogositra dia ho apetraka eto anivon’ny Minisiteran’ny Fanabeazam-Pirenena ny « cellule » iray iraisan’ireo sampandraharaha mikirakira ny fanadinana izay hanangona ny vaovao rehetra manodidina ny fizotry ny fanadinana CEPE. Azonareo antsoina amin’ny laharana maitso 020 30 807 86.


  • 11 Aug. 2018 - 10:19-

    3 nouveaux candidats. Ce 10 août, trois candidats ont déposé leur dossier de candidature à l'élection présidentielle auprès de la Haute Cour Constitutionnelle à savoir : Dr Jules Etienne présenté par le parti MAFI (Madagasikara Fivoarana),  Zafimahaleo Rasolondraosolo, dit Dama Mahaleo, candidat du parti Manajary Vahoaka; et Paul Andrianiaina Rabary, candidat du parti MIASA. Ainsi, depuis l’ouverture de la période de dépôt des dossiers 7 candidats en tout ont déposé leur dossier (Andry Rajoelina, Jean Ravelonarivo, Mailhol Dieu Donné, Fanirisoa Erinaivo).

  • 04 Aug. 2018 - 08:57-

    Candidature du général Jean Ravelonarivo. Zaza Ramandimbiarison et Ambroise Tata ont procédé dans la matinée de ce 3 aout, au dépôt des dossiers de candidature à l'élection présidentielle du général Jean Ravelonarivo, ancien Premier ministre auprès de la Haute Cour Constitutionnelle (HCC). Il est le deuxième candidat à avoir déposé son dossier. Jean Ravelonarivo a été présenté par le parti politique Antokom-Bahoaka Malagasy ou ABA.  Pour mémoire ce parti politique a fait connaître son existence au cours du mois d’avril de cette année 2018.

  • 04 Aug. 2018 - 07:57-

    Andry Rajoelina premier candidat à déposer son dossier. L’ancien président de la Transition, s'est fait représenter par Andry Herizo Rakotozafy, éphémère directeur de cabinet du Premier ministre Ntsay Christian, dans l'après-midi de ce 1er aout, auprès de la Haute cour constitutionnelle (HCC) à Ambohidahy, pour déposer son dossier de candidature à l'élection présidentielle. Cela s’est passé au moment même où le candidat Rajoelina faisait son show au Palais des sports de Mahamasina pour présenter son IEM ou Initiative Emergence de Madagascar.

  • 27 Jul. 2018 - 13:45-

    Niala tsy ho filohan’ny antoko HVM izy. Nametra-pialana tsy ho Filoha Nasionalin'ny antoko HVM i Rivo Rakotovao. « Tsy miala HVM ny tenako fa miala tsy ho Filoha Nasionaly fotsiny ihany ho fanajana ny lalàna » hoy izy. Nambarany ihany koa fa tsy manangam-pahavalo ary tsy manam-pahavalo ny HVM fa safidin’ireo izay niala noho ny tsy fitovian-kevitra politika sy tsy fitovian-kevitra eo amin'ny fitantanana ny Firenena ny zava-mitranga. Nanamafy ny fangatahany sy fanolorany ny Filoha Rajaonarimampianina hirotsaka ho fidiana indray ny antoko HVM. Soritana fa ny Lalampanorenana dia milaza fa tsy mahazo mandray anjara amin’ny fiainana antoko politika ny filoham-pirenena (adininy faha-49).

  • 23 Jul. 2018 - 08:57-

    Antonio Benedito Sanchez s’en va. L’ambassadeur de la délégation de l’Union européenne pour Madagascar et l’Union des Comores, Antonio Benedito Sanchez quittera Madagascar satisfait du travail qu’il a accompli durant son mandat. Il a confié qu’il prendra la direction du Mozambique tandis que son successeur, l’Italien Giovani Di Girolamo arrivera dans la Grande île vers le début du mois de septembre. Il sera remplacé par L’Italien Giovani Di Girolamo.En attendant la prise de fonction du nouvel Ambassadeur, le Ministre Conseiller Lothar Jaschke assurera son intérim.

  • 30 Jun. 2018 - 08:40-

    Remplacement à l’Assemblée Nationale. « Le Député dont siège devient vacant est remplacé par le suppléant élu en même temps que lui, sauf en cas d’annulation de l’élection, jusqu’au renouvellement de l’Assemblée nationale ». .Que suivant le certificat de décès n°65969 versé au dossier, sieur ABDILLAH est décédé le 21 février 2018 à l’hôpital Apollo de New Delhi. La vacance d’un siège de Député à l’Assemblée nationale est constatée, à la suite du décès de sieur ABDILLAH. Est proclamé Député à l’Assemblée nationale, le candidat EDIZARD, premier suppléant de la liste VPM-MMM de Vohémar. (Arrêt de la HCC du 28 juin 2018).

Du même auteur

societe
societe

Dans la même rubrique

politique
politique
Publicité